ആലുവ: പൊതുമേഖലാ സ്ഥാപനങ്ങൾ സ്വകാര്യവത്കരിക്കാനുള്ള നീക്കം പിൻവലിക്കുക, പെട്രോൾ - ഡീസൽ പാചകവാതക വില വർദ്ധനവ് പിൻവലിക്കുക എന്നീ ആവശ്യങ്ങൾ ഉന്നയിച്ച് എ.ഐ.വൈ.എഫ് ജില്ലാ കമ്മിറ്റി ആലുവയിൽ റെയിൽവേ സ്റ്റേഷൻ മാർച്ച് സംഘടിപ്പിച്ചു. സി അച്യുതമേനോൻ സെന്ററിൽ നിന്നാരംഭിച്ച മാർച്ച് റെയിൽവേ സ്റ്റേഷന് മുന്നിൽ പൊലീസ് തടഞ്ഞു. തുടർന്ന് നടന്ന ധർണ സംസ്ഥാന ജോയിന്റ് സെക്രട്ടറി എൻ. അരുൺ ഉദ്ഘാടനം ചെയ്തു. ജില്ലാ വൈസ് പ്രസിഡന്റ് അസ്‌ലഫ് പാറേക്കാടൻ അദ്ധ്യക്ഷത വഹിച്ചു. ജില്ലാ സെക്രട്ടറി കെ.ആർ. റെനീഷ്, സി.പി.ഐ ആലുവ മണ്ഡലം സെക്രട്ടറി എ. ഷംസുദ്ദീൻ, ആൽവിൻ സേവ്യർ, ജി. ഗോകുൽ ദേവ്, രേഖ ശ്രീജേഷ്, ടി.എൻ. സോമൻ, സി.എ. സതീഷ് , എം.ആർ. ഹരികൃഷ്ണൻ എന്നിവർ പ്രസംഗിച്ചു. നേതാക്കളായ എം ആർ സുർജിത്ത്, ജെ.പി. അനൂപ്, എം.എ. സിറാജ്, ടി.എ. റിയാസ്, കെ.ബി. നിസാർ, റോക്കി എം. ജിബിൻ, രാഖി, കെ.എ. അൻഷാദ് എന്നിവർ നേതൃത്വം നൽകി.