മൂവാറ്റുപുഴ: മാതാപിതാക്കളുടെയും മുതിർന്ന പൗരന്മാരുടെയും സംരക്ഷണവും ക്ഷേമവും സംബന്ധിച്ച് പ്രാദേശിക അടിസ്ഥാത്തിൽ പരാതി പരിഹരിയ്ക്കുന്നതിനായി അദാലത്ത് സംഘടിപ്പിച്ചു. മാതാപിതാക്കളെ വേണ്ടവിധം സംരക്ഷിക്കതെ കഷ്ടപ്പെടുത്തിയതിന് മക്കളോട് ഒരു നിശ്ചിത തുക മാതാപിതാക്കൾക്കു ജീവിത ചെലവിന് നൽകാൻ വിധിച്ചു. വസ്തു എഴുതി വാങ്ങിയ ശേഷം മക്കളും ബന്ധുക്കളും സംരക്ഷിക്കാനില്ലെന്ന് പരാതിപ്പെട്ട കല്യാണി, ഉഷ, മറിയാമ്മ എന്നീ വൃദ്ധകളെ സാമൂഹ്യ നീതി വകുപ്പിന് കീഴിലുള്ള വയോജന പരിപാലന കേന്ദ്രത്തിലേക്ക് മാറ്റി താമസിപ്പിക്കാൻ ഉത്തരവിട്ടു.40 പരാതിയിൽ 25 എണ്ണം പരിഹരിച്ചു. കോതമംഗലം താലൂക്കിൽ 28 ന് അദാലത്ത് നടത്തും. ആർ.ഡി.ഒ പി.എൻ.അനി, ജൂനിയർ സൂപ്രണ്ട് കെ .എം .അനിൽകുമാർ, സെക്ഷൻ ക്ലർക്ക് കെ. ആർ.ബിബിഷ് , ടെക്‌നിക്കൽ അസിസ്റ്റന്റ് എസ്. അനു, കൺസിലിയേഷൻ ഓഫീസർമാർ എന്നിവർ അദാലത്തിന് നേതൃത്വം നൽകി.