കോലഞ്ചേരി: സി.പി.എം കോലഞ്ചേരി ഏരിയാ സമ്മേളനം 30, 31 തീയതികളിൽ പുത്തൻകുരിശ് കെ.വി. കുട്ടപ്പൻനഗറിൽ നടക്കും. നാളെ രാവിലെ 9.30 ന് സി.പി.എം സംസ്ഥാന സെക്രട്ടേറിയ​റ്റംഗവും വ്യവസായ നിയമ വകുപ്പ് മന്ത്രിയുമായ പി. രാജീവ് ഉദ്ഘാടനം ചെയ്യും. ജില്ലാസെക്രട്ടറി സി.എൻ. മോഹനൻ, സംസ്ഥാന കമ്മി​റ്റിയംഗം സി.എം. ദിനേശ്മണി, ജില്ലാ സെക്രട്ടേറിയേ​റ്റംഗം പി.ആർ. മുരളീധരൻ, ജില്ലാ കമ്മി​റ്റിയംഗങ്ങളായ സി.ബി. ദേവദർശനൻ, കെ.വി. ഏലിയാസ്, കെ.എസ്. അരുൺകുമാർ തുടങ്ങിയവർ പങ്കെടുക്കും. ഏരിയാ സെക്രട്ടറി സി.കെ. വർഗീസ് പ്രവർത്തന റിപ്പോർട്ട് അവതരിപ്പിക്കും. സമ്മേളനത്തിന് തുടക്കം കുറിച്ചുകൊണ്ട് മുതിർന്ന നേതാവായ എം.പി.വർഗീസ് പതാക ഉയർത്തും. സമ്മേളനത്തിൽ 19 ഏരിയാകമ്മി​റ്റിയംഗങ്ങൾ ഉൾപ്പെടെ 144 പ്രതിനിധികൾ പങ്കെടുക്കും. വി.കെ. അയ്യപ്പൻ ചെയർമാനും എം.എ. വേണു സെക്രട്ടറിയുമായ സ്വാഗതസംഘമാണ് പ്രവർത്തനങ്ങൾക്ക് നേതൃത്വം നൽകുന്നത്.