മൂവാറ്റുപുഴ: പങ്കാളിത്ത പെൻഷൻ പദ്ധതി പിൻവലിക്കുക, പുനപരിശോധനാ സമിതി റിപ്പോർട്ട് ചര്‍ച്ച ചെയ്ത് വാഗ്ദാനം പാലിക്കുക, കേന്ദ്ര സർക്കാരിന്റെ ജന വിരുദ്ധ നയങ്ങളെ പ്രതിരോധിക്കുക, കേരള സർക്കാരിന്റെ ജനപക്ഷ നിലപാടുകൾക്ക് പിന്തുണ നൽകുക തുടങ്ങിയ ആവശ്യങ്ങൾ ഉന്നയിച്ച് സംസ്ഥാന വ്യാപകമായി മേഖലാ കേന്ദ്രങ്ങളിൽ ജോയിന്റ് കൗൺസിൽ നവംബർ ഒന്നിന് നടത്തുന്ന പെൻഷൻ സംരക്ഷണ ദിനം വിജയിപ്പിക്കാൻ കേരള അഗ്രികൾച്ചറൽ ടെക്‌നിക്കൽ സ്റ്റാഫ് അസോസിയേഷൻ മൂവാറ്റുപുഴ - പിറവം മേഖലാ കൺവെൻഷൻ തീരുമാനിച്ചു. പാടശേഖര സമിതികളിൽ ഉൾപ്പെട്ടെ കർഷകർക്ക് വിള ഇൻഷ്വറൻസ് പദ്ധതിയിൽ അംഗമാകുന്നതിനുള്ള നടപടിക്രമങ്ങൾ ലഘൂകരിക്കണമെന്നും കൺവൻഷൻ ആവശ്യപ്പെട്ടു. കൺവൻഷൻ കെ.എ.ടി.എസ്.എ സംസ്ഥാന സെക്രട്ടറിയേറ്റംഗം കെ.പി സുനിൽകുമാർ ഉദ്ഘാടനം ചെയ്തു. അരുൺ.കെ. പരുത്തിപ്പാറ അദ്ധ്യക്ഷത വഹിച്ചു.