കൂത്താട്ടുകുളം: എസ്.എൻ.ഡി.പി യോഗം കൂത്താട്ടുകുളം യൂണിയൻ നടത്തുന്ന വിവാഹപൂർവ്വ കൗൺസിലിംഗ് കോഴ്സിന് 43-ാം ബാച്ച് കൊവിഡ് മാനദണ്ഡങ്ങൾ പാലിച്ചു യൂണിയൻ മന്ദിര ഹാളിൽ ഉദ്ഘാടനം ചെയ്തു. യൂണിയൻ വൈസ് പ്രസിഡന്റ് അജിമോൻ.പി.കെയുടെ അദ്ധ്യക്ഷതയിൽ ചേർന്ന യോഗം യൂണിയൻ പ്രസിഡന്റ് പി. ജി ഗോപിനാഥ് ഉദ്ഘാടനം ചെയ്തു.
സെക്രട്ടറി സി.പി.സത്യൻ മുഖ്യപ്രഭാഷണം നടത്തി. യൂണിയൻ കൗൺസിലർമാരായ പി.എം.മനോജ്, ഡി.സാജു എം.പി.ദിവാകരൻ ബിജുമോൻ.പി.എം, യൂണിയൻ പഞ്ചായത്ത് കമ്മിറ്റി വി.എ.സലിം, വനിതാ സംഘം പ്രസിഡന്റ് ഷീല സാജു, സജിമോൻ.എം.ആർ, അജേഷ് വിജയൻ, അനീഷ്.വി.എസ്,അഖിൽ ശേഖരൻ, എം.കെ.ശശിധരൻ, ശ്രീകാന്ത്.ടി. രാജൻ,മഞ്ജു റെജി എന്നിവർ സംസാരിച്ചു. പായിപ്ര ദമനൻ, അഡ്വ.വിൻസന്റ് ജോസഫ്, ഡി.സാജു എന്നിവർ ഇന്ന് ക്ലാസുകൾ നയിക്കും.രണ്ടാം ദിവസമായ നാളെ രാവിലെ 9 മുതൽ, വത്സല രാജൻ, ടി.ആർ.ശരത്, ഡോ.സുരേഷ്കുമാർ എന്നിവർ ക്ലാസുകൾ നയിക്കും. നാളെ വൈകുന്നേരം 4 ന് സർട്ടിഫിക്കറ്റ് വിതരണവും നടത്തും.