തൊടുപുഴ: ദേശീയ ജന്തു രോഗ നിയന്ത്രണ പദ്ധതിയുടെ ഭാഗമായി കുളമ്പരോഗ പകർച്ച വ്യാധിക്കെതിരെയുള്ള കുത്തി വയ്പ്പിന്റെ രണ്ടാം ഘട്ടം വെള്ളിയാമറ്റത്ത് തുടങ്ങി. പഞ്ചായത്ത് തല ഉദ്ഘാടനം പ്രസിഡന്റ് ഇന്ദു ബിജു നിർവഹിച്ചു. പ്രതിരോധ കുത്തിവയ്പ് നവംബർ മൂന്ന് വരെയുണ്ടാവും. രോഗത്തിനെതിരെ കേന്ദ്ര സംസ്ഥാന സർക്കാരുകളുടെ സംയുക്ത സംരംഭമായ ഗോരക്ഷ പദ്ധതി പ്രകാരമുള്ള സൗജന്യ കുത്തിവയ്പ്പ് ക്യാമ്പുകൾ പഞ്ചായത്തിലെ എല്ലാ വാർഡുകളിലും വരുന്ന 21 ദിവസം സംഘടിപ്പിക്കും. കൂടുതൽ വിവരങ്ങൾക്ക് വൈറ്ററിനറി ഡിസ്‌പെൻസറിയുമായി ബന്ധപ്പെടണമെന്ന് അധികൃതർ അറിയിച്ചു. പഞ്ചായത്തുതല ഉദ്ഘാടന ചടങ്ങിൽ ഡോ. ആര്യ അൽഫോൻസ്, ലൈവ്‌സ്റ്റോക്ക് ഇൻസ്‌പെക്ടർമാരായ അനിൽകുമാർ.പി, ജാൻസി മോൾ ചാക്കോ, സ്റ്റാഫ് മിനി മോൾ നാരായണൻ എന്നിവർ പങ്കെടുത്തു.