ഇടുക്കി : പ്രധാനമന്ത്രി മത്സ്യ സംപാദ യോജന പദ്ധതിയുടെ കീഴിൽ റീ സർക്കുലേറ്ററി അക്വാകൾച്ചർ സിസ്റ്റം (ആർ.എ.എസ്) മത്സ്യകൃഷിക്കായി എസ്.സി/ എസ്.റ്റി വിഭാഗങ്ങളിൽപ്പെട്ടവരിൽ നിന്നും അപേക്ഷ ക്ഷണിച്ചു. ജല ആവശ്യകത കുറഞ്ഞ നൂതനമായ കൃഷി രീതിയാണ് ആർ.എ.എസ്. മത്സ്യത്തൊടൊപ്പം പച്ചക്കറിയും വളർത്താൻ സാധിക്കുന്നു എന്നതാണ് പ്രത്യേകത. നൈൽ തിലാപ്പിയ മത്സ്യം ആണ് നിക്ഷേപിക്കുന്നത്. 100 ക്യൂബിക് മീറ്ററുള്ള യൂണിറ്റ് സ്ഥാപിച്ച് മത്സ്യകൃഷി നടത്തുന്നതിനുള്ള മൊത്തം ചെലവ് 7.5 ലക്ഷം രൂപയാണ്. ആർ. എ. എസ് യൂണീറ്റ് സ്ഥാപിച്ച് മത്സ്യകൃഷി ആരംഭിച്ച് കഴിയുമ്പോൾ 40 ശതമാനം തുകയാണ് ധനസഹായമായി ലഭിക്കുക. അപേക്ഷകർ അപേക്ഷയും അനുബന്ധരേഖകളും അസിസ്റ്റന്റ് ഡയറക്ടർ, മത്സ്യബന്ധന വകുപ്പ്, അസിസ്റ്റന്റ് ഡയറക്ടറുടെ കാര്യാലയം, പൈനാവ് പി.ഒ, ഇടുക്കി 685603 എന്ന വിലാസത്തിൽ ഒക്ടോബർ 18 ന് മുമ്പ് തപാൽ മുഖേനയോ adidkfisheries@gmail.com എന്ന ഇമെയിൽ വിലാസത്തിലേക്കോ അയക്കേണ്ടതാണ്. കൂടുതൽ വിവരങ്ങൾക്ക് 7025233647,7902972714 എന്നീ നമ്പറുകളിൽ ബന്ധപ്പെടുക.