തൊടുപുഴ: സ്‌കൂൾ തുറക്കുന്നതുമായി ബന്ധപ്പെട്ട് തൊടുപുഴ നഗരസഭാ പരിധിയിലെ സ്‌കൂളുകളിലെ പ്രധാന അദ്ധ്യാപകരുടേയും വാർഡ് കൗൺസിലർമാരുടേയും അവലോകന യോഗം നഗരസഭാ വിദ്യാഭ്യാസകാര്യ സ്റ്റാന്റിംഗ് കമ്മിറ്റി ചെയർമാൻ റ്റി.എസ്.രാജന്റെ നേതൃത്വത്തിൽ ചേർന്നു. സ്‌കൂളുകളിലെ ക്ലാസ് മുറികൾ അണുനശീകരണം നടത്തി സ്‌കൂൾ പരിസരം ശുചീകരിച്ചു വരുകയാണെന്ന് ചെയർമാൻ സനീഷ് ജോർജ് അറിയിച്ചു. റോഡുകൾ സീബ്രലൈനുകൾ വരയ്ക്കുന്നതിന് പൊതുമരാമത്ത് വകുപ്പിന് കത്ത് നൽകി. നഗരത്തിന്റെ തിരക്കേറിയ ഭാഗത്തുള്ള സ്‌കൂളുകളിൽ രാവിലെയും വൈകുന്നേരവും ട്രാഫിക് പോലീസിന്റെ സേവനം ഉറപ്പാക്കുന്നതിന് നടപടി സ്വീകരിക്കുമെന്നും ചെയർമാൻ അറിയിച്ചു.