കോടിക്കുളം : എസ്.എൻ.ഡി.പി യോഗം കോടിക്കുളം ശാഖ സംയുക്ത വാർഷിക പൊതുയോഗവും ഭരണ സമിതി തിരഞ്ഞെടുപ്പും 31 ന് ഉച്ചകഴിഞ്ഞ് 2 ന് ഗുരുനാരായണ കോളേജ് ഓഡിറ്റോറിയത്തിൽ നടക്കും. യൂണിയൻ വൈസ് ചെയർമാൻ ഡോ.കെ.സോമൻ അദ്ധ്യക്ഷത വഹിക്കും. യൂണിയൻ ചെയർമാൻ എ.ജി തങ്കപ്പൻ ഉദ്ഘാടനംചെയ്യും. അഡ്മിനിസ്‌ട്രേറ്റീവ് കമ്മിറ്റി അംഗം ഷാജി കല്ലാറയിൽ മുഖ്യ പ്രഭാഷണം നടത്തും. വൈക്കം ബെന്നി ശാന്തി പ്രസംഗിക്കും. ശാഖാ സെക്രട്ടറി കെ.കെ.രവീന്ദ്രൻ പ്രവർത്തന റിപ്പോർട്ടും കണക്കും അവതരിപ്പിക്കും.