ഇടുക്കി: 2018 ലെ പ്രളയത്തിൽ തകർന്ന് പതിച്ച പഴയ നൂറടിപ്പാലം നീക്കം ചെയ്തു പുഴയുടെ നീരൊഴുക്ക് സുഗമമാക്കാൻ നടപടി. ജില്ലാ കളക്ടർ ഷീബ ജോർജ്ജ് പാലം സന്ദർശിച്ച് എത്രയും വേഗം തകർന്ന പാലം നീക്കാൻ നിർദ്ദേശിച്ചു. മുല്ലപെരിയാർ ഡാം തുറക്കുന്ന സാഹചര്യമുണ്ടായാൽ ഇതിലൂടെ ജലം ഒഴുകിയെത്തുകയും നീക്കം ചെയ്യാത്ത പഴയ പാലം ജലത്തിന്റെ ഒഴുക്കിന് തടസ്സം സൃഷ്ടിക്കുകയും ചെയ്യുമെന്ന കണ്ടെത്തലിലാണ് നടപടി ഉണ്ടായത്.ആർ.ഡി.ഒ ഷാജി എംകെ, തഹസീൽദാർമാരായ വിജയലാൽ, വിൻസെന്റ് ജോസഫ്, തുടങ്ങിയവരും കലക്ടർക്കൊപ്പം ഉണ്ടായിരുന്നു.