തൊടുപുഴ: വിജിലൻസ് ബോധവൽക്കരണ വാരാഘോഷത്തോടനുബന്ധിച്ചു യൂണിയൻ ബാങ്ക് ജീവനക്കാർ വാക്കത്തോൺ നടത്തി . അഴിമതി ചെയ്യാതിരിക്കുക , കൂട്ട് നിൽക്കാതിരിക്കുക എന്നീ സന്ദേശങ്ങൾ ജനങ്ങൾക്ക് നൽകുക എന്ന ലക്ഷ്യമിട്ടാണ് വാക്കത്തോൺ സംഘടിപ്പിച്ചത് .യൂണിയൻ ബാങ്കിന്റെ തൊടുപുഴ ശാഖയുടെ മുന്നിൽ നിന്നും രാവിലെ 8.30 നു ആരംഭിച്ച വാക്കത്തോൺ ക്രൈം ബ്രാഞ്ച് എസ് പി വി.യു. കുര്യാക്കോസ് ഫ്‌ളാഗ് ഓഫ് ചെയ്തു . യൂണിയൻ ബാങ്കിന്റെ ശാഖയുടെ മുന്നിൽ നിന്നും ആരംഭിച്ചു സെന്റ് സെബാസ്റ്റ്യൻ പള്ളി വരെ നൂറോളം യൂണിയൻ ബാങ്ക് ജീവനക്കാരും ഉപഭോക്താക്കളും പങ്കെടുത്ത വാക്കത്തോണിന് യൂണിയൻ ബാങ്ക് റീജിയണൽ ഹെഡ് ജയദേവ് നായർ , ഡെപ്യൂട്ടി റീജിയണൽ ഹെഡ് ദിനേശ് , ലീഡ് ബാങ്ക് മാനേജർ രാജഗോപാലൻ എന്നിവർ നേതൃത്വം നൽകി .