തൊടുപുഴ: ബ്ലോക്ക് പഞ്ചായത്ത് ഓഫീസിന്റെ പരിസരങ്ങൾ വൃത്തിയാക്കി ബ്ലോക്ക് പഞ്ചായത്ത് ഭരണസമിതി അംഗങ്ങളുടെയും ജീവനക്കാരുടെയും നേതൃത്വത്തിൽ ശീതകാല പച്ചക്കറി ജൈവകൃഷി ആരംഭിച്ചു കൃഷിവകുപ്പിന് നേതൃത്വത്തിൽ നടത്തിവരുന്ന സമഗ്ര പച്ചക്കറി കൃഷി വികസന പദ്ധതിയുടെ ഭാഗമായാണ് പദ്ധതി ആരംഭിച്ചത് ശീതകാല പച്ചക്കറികളായ കാബേജ് ,കോളിഫ്‌ളവർ .പാലക് തുടങ്ങിയവയും വഴുതന പച്ചമുളക് തക്കാളി വെണ്ട എന്നിവയും കൃഷി ചെയ്തുവരുന്നു .ഗ്രോബാഗുകളിൽ കൃഷി ആരംഭിച്ചു പൊതുജനങ്ങൾക്ക് വിഷരഹിതമായ പച്ചക്കറി ലഭിക്കുന്നതിനും കൃഷി സംസ്‌കൃതി രൂപപ്പെടുത്തുന്നതിനും ഈ മാതൃക കൃഷിത്തോട്ടം കൊണ്ട് ലക്ഷ്യമിടുന്നതെന്നും അന്യസംസ്ഥാനങ്ങളിൽ നിന്നെത്തുന്ന കീടനാശിനി പ്രയോഗത്തിലൂടെ ഉഗ്രവിഷമുള്ള പച്ചക്കറികൾ ഉപയോഗിക്കുന്നതിലൂടെ ഗുരുതര ആരോഗ്യപ്രശ്‌നങ്ങൾ സൃഷ്ടിക്കുന്ന സാഹചര്യത്തിലാണ് ബ്ലോക്ക് പഞ്ചായത്തിന്റെ നേതൃത്വത്തിൽ ഇങ്ങനെയൊരു പദ്ധതിക്ക് തുടക്കമിടുന്നതെന്ന് പദ്ധതി ഉദ്ഘാടനം ചെയ്തുകൊണ്ട് ബ്ലോക്ക് പഞ്ചായത്ത് പ്രസിഡന്റ് ട്രീസ ജോസ് പറഞ്ഞു .ബ്ലോക്ക് പഞ്ചായത്ത് വൈസ് പ്രസിഡന്റ് ബിജു എൻ കെ കാർഷിക സന്ദേശം നൽകി. സ്റ്റാൻഡിങ് കമ്മിറ്റി അംഗങ്ങളായ മാർട്ടിൻ ജോസഫ് ഗ്ലോറി കെ എ മെമ്പർമാരായ ജോബി പെന്നാട്ട് ,ജിജോ കഴിക്കിചാലിൽ, നീതു ഫ്രാൻസീസ്, ബിന്ദു ഷാജി , കൃഷി അസിസ്റ്റന്റ് ഡയറക്ടർ ചന്ദ്ര ബിന്ദു തുടങ്ങിയവർ പ്രവർത്തനങ്ങൾക്ക് നേതൃത്വം കൊടുത്തു .