ഇടുക്കി: ദുരിതാശ്വാസ ക്യാമ്പുകളായി പ്രവർത്തിക്കുന്ന ജില്ലയിലെ സ്‌കൂളുകൾക്ക് 1, 2, 3 ദിവസങ്ങളിൽ അവധിയായിരിക്കുമെന്ന് ജില്ലാ കളക്ടർ അറിയിച്ചു. പീരുമേട് താലൂക്കിലെ പെരുവന്താനം വില്ലേജിലെ ഡീ പോൾ സ്‌കൂൾ, ഗവ. യു.പി സ്‌കൂൾ പാലൂർക്കാവ്, സെന്റ്‌ മേരീസ് എൽ.പി സ്‌കൂൾ കണയങ്കവയൽ, പീരുമേട് വില്ലേജിലെ ഗവ. എൽ.പി സ്‌കൂൾ അഴുത, കൊക്കയാർ വില്ലേജിലെ സെന്റ് ആന്റണീസ് യു.പി സ്‌കൂൾ ആന്റ് ഹൈസ്‌കൂൾ മുണ്ടക്കയം, സെന്റ് ജോർജ് ഹൈസ്‌കൂൾ മുക്കുളം, ഗവ. ഹൈസ്‌കൂൾ കറ്റിപ്ലാങ്ങോട്, മരിയ ഗൊരേത്തി യു.പി സ്‌കൂൾ മേലോരം എന്നീ സ്‌കൂളുകൾക്കാണ് ജില്ലാ കളക്ടർ അവധി പ്രഖ്യാപിച്ചിരിക്കുന്നത്.