മട്ടന്നൂർ: കണ്ണൂർ ഫ്ളൈയിംഗ് സ്ക്വാഡ് ഡി.എഫ്.ഒക്ക് ലഭിച്ച രഹസ്യ വിവരത്തിന്റെ അടിസ്ഥാനത്തിൽ കണ്ണൂർ റേഞ്ച് ഫോറസ്റ്റ് ഓഫീസറും സംഘവും നടത്തിയ പരിശോധനയിൽ കാട്ടിറച്ചിയും, കാട്ട് മൃഗത്തെ വേട്ടയാടാൻ ഉപയോഗിച്ച തോക്കും ആയുധങ്ങളും പിടികൂടി. മട്ടന്നൂർ പോറോറ സ്വദേശിയായ ഐഡിയ ഗോവിന്ദൻ എന്നയാൾ കാട്ട് മൃഗത്തെ വേട്ടയാടി വിൽപ്പന ചെയ്യുന്നുണ്ടെന്ന വിവരത്തിന്റെ അടിസ്ഥാനത്തിലാണ് പരിശോധന നടത്തിയത്.

പ്രതി വീടിനോട് ചേർന്ന ഷെഡിൽ നിന്ന് ഇറച്ചി വെട്ടി കൊണ്ടിരിക്കുകയായിരുന്നു. വനംവകുപ്പ് സംഘത്തെ കണ്ട പ്രതി ഓടി രക്ഷപ്പെട്ടു. തുടർന്ന് ഇറച്ചി വെട്ടി കൊണ്ടിരുന്ന ഷെഡിനകത്ത് നടത്തിയ പരിശോധനയിലാണ് തോക്കും ചോരപ്പാടുകളോട് കൂടിയ ആയുധങ്ങളും കണ്ടെത്തിയത്. ഫ്ളൈയിംഗ് സ്ക്വാഡ് റേഞ്ച് ഫോറസ്റ്റ് ഓഫീസർ വി. ജയപ്രകാശൻ, സെക്ഷൻ ഫോറസ്റ്റ് ഓഫീസർ കെ. ചന്ദ്രൻ, ഗ്രേഡ് ഫോറസ്റ്റർമാരായ കെ. മധു , പ്രദീപൻ സി, ബീറ്റ് ഫോറസ്റ്റ് ഓഫീസർമാരായ ലിയാൻഡർ എഡ്വേർഡ്, സുബിൻ പി.പി, സീനിയർ ഫോറസ്റ്റ് ഡ്രൈവർ ടി. പ്രജീഷ് എന്നിവരും സംഘത്തിൽ ഉണ്ടായിരുന്നു.