കൽപ്പറ്റ: ജില്ലയിൽ ഇന്നലെ 318 പേർക്ക് കൂടി കൊവിഡ് സ്ഥിരീകരിച്ചു. 378 പേർ രോഗമുക്തി നേടി. 3 ആരോഗ്യ പ്രവർത്തകർ ഉൾപ്പെടെ 317 പേർക്ക് സമ്പർക്കത്തിലൂടെയാണ് രോഗബാധ. ജില്ലയിലെ ടെസ്റ്റ് പോസിറ്റിവിറ്റി റേറ്റ് 13.80 ആണ്.

ഇതോടെ ജില്ലയിൽ കൊവിഡ് സ്ഥിരീകരിച്ചവരുടെ എണ്ണം 119972 ആയി. 115428 പേർ ഇതുവരെ രോഗമുക്തരായി. നിലവിൽ 3760 പേരാണ് ജില്ലയിൽ ചികിത്സയിലുള്ളത്. ഇവരിൽ 3420 പേർ വീടുകളിലാണ് ഐസൊലേഷനിൽ കഴിയുന്നത്.

രോഗം ബാധിച്ചവർ

കണിയാമ്പറ്റ 29, ബത്തേരി 27, മാനന്തവാടി 25, പൂതാടി 23, മേപ്പാടി 22, കൽപ്പറ്റ 21, മീനങ്ങാടി, പുൽപ്പള്ളി 19 വീതം, നെൻമേനി 18, പനമരം 16, നൂൽപ്പുഴ 12, പൊഴുതന 11, അമ്പലവയൽ, മുട്ടിൽ 10 വീതം, പടിഞ്ഞാറത്തറ, തവിഞ്ഞാൽ, വെങ്ങപ്പള്ളി 9 വീതം, വൈത്തിരി 8, വെള്ളമുണ്ട 5, മൂപ്പൈനാട്, മുള്ളൻകൊല്ലി 4 വീതം, കോട്ടത്തറ 3, എടവക 2, തിരുനെല്ലി, തൊണ്ടർനാട് ഓരോരുത്തർക്കുമാണ് സമ്പർക്കത്തിലൂടെ രോഗം സ്ഥിരീകരിച്ചത്.

കർണ്ണാടകയിൽ നിന്നു വന്ന മാനന്തവാടി സ്വദേശിക്കും രോഗബാധ സ്ഥിരീകരിച്ചു.

രോഗമുക്തർ 378

ആശുപത്രിയിൽ ചികിത്സയിലായിരുന്ന 161 പേരും, വീടുകളിൽ നിരീക്ഷണത്തിലായിരുന്ന 217 പേരുമാണ് രോഗമുക്തരായത്.

ഇന്നലെ നിരീക്ഷണത്തിലായത് 1091 പേർ

1247 പേർ നിരീക്ഷണകാലം പൂർത്തിയാക്കി

നിലവിൽ നിരീക്ഷണത്തിലുള്ളത് 13453 പേർ

ഇന്നലെ അയച്ചത് 1787 സാമ്പിളുകൾ

ഇതുവരെ അയച്ചത് 799715 സാമ്പിളുകൾ

ഫലം ലഭിച്ചത് 799216

679244 നെഗറ്റീവും 119972 പോസിറ്റീവും