കോഴിക്കോട്: ഡോ.സഖറിയ മാർ തെയോഫിലോസിന്റെ സ്‌മരണയിൽ ആരംഭിച്ച സ്മാർട്ട് ഫൗണ്ടേഷന്റെ സ്‌നേഹസാന്ദ്രം അവാർഡ് ഗായിക എലിസബത്ത് എസ്.മാത്യുവിന് മേയർ ഡോ.ബീന ഫിലിപ്പ് സമ്മാനിച്ചു.
ടൂറെറ്റ് സിൻഡ്രം എന്ന അപൂർവരോഗത്തെ സംഗീതത്തിലൂടെ അതിജീവിക്കുകയായിരുന്നു എലിസബത്ത്. ചാലപ്പുറം സിറ്റി സർവിസ് കോ - ഓപ്പറേറ്റിവ് ബാങ്ക് ഹാളിൽ ഒരുക്കിയ ചടങ്ങിൽ ഡോ.ബീന ഉമ്മൻ അദ്ധ്യക്ഷയായിരുന്നു. എം.വി.ആർ കാൻസർ സെന്റർ, കാലിക്കറ്റ് സിറ്റി കോ ഓപ്പറേറ്റിവ് ബാങ്കിന്റെ മാസ് കെയർ പദ്ധതി എന്നിവയുമായി സഹകരിച്ചുള്ള സ്മാർട്ട് ഫൗണ്ടേഷൻ കാൻ ഷെയർ പദ്ധതിയിൽ 35 പേർക്കുള്ള അംഗത്വ വിതരണം ടി.സിദ്ദിഖ് എം.എൽ.എ നിർവഹിച്ചു. മാസ് കെയർ സർട്ടിഫിക്കറ്റ് സിറ്റി സർവിസ് ബാങ്ക് ചെയർമാൻ ജി.നാരായണൻകുട്ടി ഫൗണ്ടേഷൻ ഭാരവാഹികൾക്ക് കൈമാറി.
ഫൗണ്ടേഷന്റെ 2020 - 21 വർഷത്തെ പ്രവർത്തന റിപ്പോർട്ടിന്റെ പ്രകാശനം ഡോ.പി.എം.സുരേഷ് (സുവോളജിക്കൽ സർവേ ഓഫ് ഇന്ത്യ) നിർവഹിച്ചു. ബാങ്ക് ജനറൽ മാനേജർ സജു ജെയിംസ്, എ.കെ.ബേബി, കെ.ആർ.സുജ, പി.എ.ജിബി എന്നിവർ സംസാരിച്ചു.