കോഴിക്കോട്: ജില്ലയിൽ ഇന്നലെ 961 പേർക്ക് കൊവിഡ് സ്ഥിരീകരിച്ചപ്പോൾ ടെസ്റ്റ് പോസിറ്റിവിറ്റി നിരക്കും ഉയർന്നു; 12.83 ശതമാനം. 953 പേർക്കും സമ്പർക്കം വഴിയാണ് രോഗബാധ. ഇതിൽ 2 ആരോഗ്യ പ്രവർത്തകരും ഉൾപ്പെടും. 6 പേരുടെ ഉറവിടം വ്യക്തമല്ല. ചികിത്സയിലുള്ളവരിൽ 532 പേർ കൂടി രോഗമുക്തരായി.

കഴിഞ്ഞ 24 മണിക്കൂറിനിടെ 7599 പേരെയാണ് പരിശോധനയ്ക്ക് വിധേയരാക്കിയത്. നിലവിൽ കോഴിക്കോട് സ്വദേശികളായ 8309 പേരാണ് ചികിത്സയിലുള്ളത്. ഇതുവരെ റിപ്പോർട്ട് ചെയ്തത് 2850 മരണം.