ഫറോക്ക്: 49-ാം സംസ്ഥാന പുരുഷ - വനിത ഖോ - ഖോ ചാമ്പ്യൻഷി​പ്പിന് ​ഫറോക്ക് മുനിസിപ്പൽ സ്റ്റേഡിയത്തിൽ (നല്ലൂർ)​ ഇന്ന് തുടക്കമാവും. ദ്വിദിന മേളയുടെ ഉദ്ഘാടനം ഫറോക്ക് നഗരസഭ ചെയർമാൻ എൻ.സി. അബ്ദുൾ റസാ​ഖ് ​ നിർവഹിക്കും. ചടങ്ങിൽ അസോസിയേഷൻ ജില്ലാ പ്രസിഡന്റ് കെ.ടി.റസാഖ് അദ്ധ്യക്ഷത വഹിക്കും.

ഫറോക്ക്, രാമനാട്ടുകര നഗരസഭകളുടെയും കടലുണ്ടി ഗ്രാമപഞ്ചായത്തിന്റെയും സഹകരണത്തോടെയാണ് ചാമ്പ്യൻഷിപ്പ് സംഘടിപ്പിക്കുന്നത്. കോഴിക്കോട് ജില്ല ഖോ-ഖോ അസോസിയേഷന്റെ ആഭിമുഖ്യത്തിൽ ആണ് മത്സരം. 14 ജില്ലകളിൽ നിന്നായി

കേരള ഖോ-ഖോ ടീമിനെ തിരഞ്ഞെടുക്കുക ഈ മത്സരങ്ങളിലൂടെയാണ്. പുരുഷ - വനിത വിഭാഗങ്ങലിലായി 450 താരങ്ങൾ പങ്കെടുക്കുന്നുണ്ട്.

നാളെ വൈകിട്ട് സമാപന സമ്മേളനം രാമനാട്ടുകര നഗരസഭ ചെയർപേഴ്സൺ ബുഷ്‌റ റഫീഖ് ഉദ്ഘാടനം ചെയ്യും. സമ്മാനദാനം കടലുണ്ടി ഗ്രാമപഞ്ചായത്ത്‌ പ്രസിഡന്റ്‌ വി.അനുഷ നിർവഹിക്കും.