കൊവിഡ് ബാധിച്ചവർ 1.25 ലക്ഷം കവിഞ്ഞു

കൽപ്പറ്റ: ജില്ലയിൽ ഇന്നലെ 257 പേർക്ക് കൂടി കൊവിഡ് സ്ഥിരീകരിച്ചു. 195 പേർ രോഗമുക്തി നേടി. ഒരു ആരോഗ്യ പ്രവർത്തക ഉൾപ്പെടെ 257 പേർക്ക് സമ്പർക്കത്തിലൂടെയാണ് രോഗബാധ. ജില്ലയിലെ ടെസ്റ്റ് പോസിറ്റിവിറ്റി റേറ്റ് 12.86 ആണ്.

ഇതോടെ ജില്ലയിൽ കൊവിഡ് സ്ഥിരീകരിച്ചവരുടെ എണ്ണം 125152 ആയി. 121711 പേർ ഇതുവരെ രോഗമുക്തരായി. നിലവിൽ 2644 പേരാണ് ജില്ലയിൽ ചികിത്സയിലുള്ളത്. ഇവരിൽ 2488 പേർ വീടുകളിലാണ് ഐസൊലേഷനിൽ കഴിയുന്നത്.

രോഗം ബാധിച്ചവർ

കൽപ്പറ്റ 36, നെന്മേനി 25, അമ്പലവയൽ 23, മാനന്തവാടി 21, മുട്ടിൽ 19, പനമരം 18, വെള്ളമുണ്ട 17, തൊണ്ടർനാട് 12, ബത്തേരി 11, എടവക 8, കണിയാമ്പറ്റ, മേപ്പാടി, പുൽപ്പള്ളി 6 വീതം, മുള്ളൻകൊല്ലി, നൂൽപ്പുഴ, പൂതാടി 5 വീതം, മീനങ്ങാടി, തരിയോട്, തവിഞ്ഞാൽ, വെങ്ങപ്പള്ളി, വൈത്തിരി 4 വീതം, പടിഞ്ഞാറത്തറ, തിരുനെല്ലി 3 വീതം, പൊഴുതന, മൂപ്പൈനാട് 2 വീതം, കോട്ടത്തറ ഒരാൾക്കുമാണ് സമ്പർക്കത്തിലൂടെ രോഗം സ്ഥിരീകരിച്ചത്.

മധ്യപ്രദേശിൽ നിന്നു വന്ന മീനങ്ങാടി സ്വദേശിക്കും ഡെൽഹിയിൽ നിന്ന് വന്ന മേപ്പാടി, പനമരം സ്വദേശികൾക്കും രോഗം സ്ഥിരീകരിച്ചു.

195 പേർക്ക് രോഗമുക്തി

ആശുപത്രിയിൽ ചികിത്സയിലായിലായിരുന്ന 17 പേരും വീടുകളിൽ നിരീക്ഷണത്തിലായിരുന്ന 178 പേരുമാണ് രോഗം ഭേദമായി ഡിസ്ചാർജ് ആയത്.

ഇന്നലെ നിരീക്ഷണത്തിലായത് 553 പേർ

535 പേർ നിരീക്ഷണകാലം പൂർത്തിയാക്കി

നിലവിൽ നിരീക്ഷണത്തിലുള്ളത് 7582 പേർ

ഇന്നലെ അയച്ചത് 1264 സാമ്പിളുകൾ

ഇതുവരെ അയച്ചത് 830239 സാമ്പിളുകൾ

ഫലം ലഭിച്ചത് 829451

704299 നെഗറ്റീവും 125152 പോസിറ്റീവും