ഏഴാച്ചേരി: കാവിൻപുറം ഉമാമഹേശ്വര ക്ഷേത്രം കാവിൻപുറത്തമ്മ വാട്‌സാപ്പ് ഗ്രൂപ്പിന്റെ നേതൃത്വത്തിൽ നടത്തിയ രാമായണം പ്രശ്‌നോത്തിരി മത്സര വിജയികൾക്കുള്ള സമ്മാന വിതരണം ഇന്ന് നടക്കും. രാവിലെ 9ന് പാലാ മിൽക്ക് ബാർ ഓഡിറ്റോറിയത്തിൽ ചേരുന്ന സമ്മേളനത്തിൽ സ്‌പൈസസ് ബോർഡ് ചെയർമാൻ എ.ജി. തങ്കപ്പൻ, ഗാനരചയിതാവ് സുജിതാ വിനോദ് എന്നിവർ സമ്മാനദാനം നിർവഹിക്കും. രവി പുലിയന്നൂർ, കെ.കെ. വിനു കൂട്ടുങ്കൽ തുടങ്ങിയവർ പങ്കെടുക്കും. രഘു തേവർകാട്ടിൽ പാലാ, ശ്രീനാഥ് മട്ടന്നൂർ കണ്ണൂർ, അഞ്ജന ജി. ഭരണങ്ങാനം എന്നിവർക്കാണ് യഥാക്രമം ഒന്ന്, രണ്ട്, മൂന്ന് സ്ഥാനങ്ങൾ ലഭിച്ചത്. മികച്ച പ്രകടനം കാഴ്ചവച്ച മഞ്ജു സാജൻ, ആദിത്യൻ പിഴക്, ജയശ്രീ വൈക്കം എന്നിവർക്കും സമ്മേളനത്തിൽ പുരസ്‌ക്കാരങ്ങൾ വിതരണം ചെയ്യും.