പാലാ: തപാൽ വാരാഘോഷത്തിന്റെ ഭാഗമായി നഴ്‌സുമാർക്കായി പാലാ ഹെഡ് പോസ്റ്റോഫീസിൽ 5 മുതൽ 7 വരെ തീയതികളിൽ ഇൻഷ്വറൻസ് മേള നടത്തും. സർക്കാർ ജീവനക്കാർക്ക് മാത്രം അംഗമാകാൻ കഴിയുമായിരുന്ന തപാൽ ഇൻഷ്വറൻസ് പദ്ധതിയിൽ ഇപ്പോൾ പ്രൊഫഷണൽ ബിരുദക്കാർക്കും ഡിപ്ലോമക്കാർക്കും ചേരാം. ഇൻഷ്വറൻസ് മേഖലയിൽ ഏറ്റവും കൂടുതൽ ബോണസ് ലഭിക്കുന്ന കേന്ദ്ര സർക്കാർ പദ്ധതിയാണിത്. ചെറിയ പ്രീമിയം അടച്ച് ഉയർന്ന ബോണസ് ലഭിക്കുന്ന പദ്ധതിയിൽ 55 വയസ് വരെയുള്ളവർക്ക് ചേരാം. ആകർഷകമായ ദീർഘകാല പദ്ധതികളും ഹ്രസ്വകാല പദ്ധകളുമുണ്ട്. . മികച്ച സമ്പാദ്യപദ്ധതി എന്നതിന് പുറമെ ഇൻഷ്വറൻസ് പരിരക്ഷയും 80 സി പ്രകാരമുള്ള ആദായ നികുതി ഇളവും ലഭിക്കും. വാർഷിക അർദ്ധ വാർഷിക പ്രീമിയം അടയ്ക്കുന്നവർക്ക് റിബേറ്റ് ലഭിക്കും. ഓൺലൈൻ വഴിയും ഇന്ത്യയിലുള്ള ഏത് പോസ്റ്റ് ഓഫീസ് വഴിയും പ്രീമിയം അടയ്ക്കുന്നതിന് സൗകര്യമുണ്ട്. കൊവിഡ് സാഹചര്യം പരിഗണിച്ച് പോസ്റ്റ് ഓഫീസുകളിലെത്താതെ തന്നെ പദ്ധതിയിൽ ചേരാൻ സൗകര്യമൊരുക്കിയിട്ടുണ്ട് .ഫോൺ: 8281525215