വൈക്കം : ജില്ലാ പഞ്ചായത്ത് വൈക്കം ഡിവിഷനിൽ 4.69 കോടി രൂപയുടെ പദ്ധതികൾക്ക് ജില്ലാ ആസൂത്രണസമിതി അംഗീകാരം നൽകി. വൈക്കം. താലൂക്ക് ആശുപത്രിയിൽ അനുവദിച്ച മാമോഗ്രാം യൂണി​റ്റിന് 1.82 കോടി രൂപയാണ് വകയിരുത്തിയിരിക്കുന്നത്. വൈക്കം നിയോജകമണ്ഡലത്തിലെ ചെമ്പ്, മറവൻതുരുത്ത്, ഉദയനാപുരം, തലയാഴം ടി.വി പുരം, വെച്ചൂർ, തലയോലപറമ്പ് , വെള്ളൂർ , വൈക്കം മുനിസിപ്പാലി​റ്റി എന്നിടങ്ങളിലെ സാധാരണക്കാരായ രോഗികൾ ആശ്രയിക്കുന്നത് വൈക്കം താലൂക്ക് ആശുപത്രിയേയാണ്. വൈക്കം താലൂക്ക് ആശുപത്രിയിൽ മാമോഗ്രാം യൂണി​റ്റിന്റെ പ്രവർത്തനമാരംഭിച്ചാൽ നാമമാത്രമായ തുക മാത്രം അടച്ച് രോഗം നിർണയിക്കാനാകും എന്നത് സാധാരണക്കാരായ രോഗികളെ സംബന്ധിച്ച് വലിയ ആശ്വാസമാകും. ഇതിനായി സ്ഥലം കണ്ടെത്തിതരുന്നതിന് വൈക്കം മുനിസിപ്പാലി​റ്റിക്ക് കത്ത് നൽകിയതായി ജില്ലാപഞ്ചായത്തംഗം പി.എസ് പുഷ്പമണി അറിയിച്ചു. ചെമ്പ്, ഉദയനാപുരം പഞ്ചായത്തുകൾക്ക് ആബുലൻസ് വാങ്ങുന്നതിന് 24 ലക്ഷം രൂപ അനുവദിച്ച് നടപടിക്രമങ്ങൾ ആരംഭിച്ചു. വെള്ളപ്പൊക്ക ഭീഷണി ഏറെ നേരിടുന്ന ആ​റ്റുവേലക്കടവ് മൂഴിക്കൽ റോഡ് മണ്ണിട്ടുയർത്തി ടാർ ചെയ്യുന്നതിന് 33 ലക്ഷം രൂപയും കാർഷിക വിദ്യാഭ്യാസ പശ്ചാത്തല മേഖലയുടെ സമഗ്ര വികസനത്തിന് 1.80 കോടി രൂപ അനുവദിച്ചതായും പി.എസ്. പുഷ്പമണി അറിയിച്ചു.