വൈക്കം: മികച്ച അടിസ്ഥാന സൗകര്യങ്ങളുള്ള വൈക്കം കെ.എസ്.ആർ.ടി.സി ഡിപ്പോയെ അവഗണിച്ച് യാതൊരുവിധ സൗകര്യങ്ങളുമില്ലാത്ത ഏ​റ്റുമാനൂരിലേക്ക് വർക്ക്‌ഷോപ്പ് പ്രവർത്തനങ്ങൾ മാ​റ്റാനുള്ള സർക്കാർ തീരുമാനം പിൻവലിക്കണമെന്ന് എ.ഐ.വൈ.എഫ് ടി.വി പുരം നോർത്ത് മേഖലാ കൺവൻഷൻ പ്രമേയത്തിലൂടെ ആവശ്യപ്പെട്ടു. കൺവൻഷൻ എ.ഐ.വൈ.എഫ് സംസ്ഥാന വൈസ് പ്രസിഡന്റ് പി.എസ്.എം ഹുസൈൻ ഉദ്ഘാടനം ചെയ്തു. മേഖലാ പ്രസിഡന്റ് എസ് പ്രതാപ് അദ്ധ്യക്ഷത വഹിച്ചു. സംസ്ഥാന കമ്മി​റ്റി അംഗം എസ്.ബിജു, മണ്ഡലം സെക്രട്ടറി സജീവ് ബി.ഹരൻ, കെ.വി.നടരാജൻ, വി.ടി.മനീഷ്, സിജീഷ് കുമാർ എന്നിവർ പ്രസംഗിച്ചു. ഭാരവാഹികളായി ജിലീഷ് (പ്രസിഡന്റ്), എം.എസ്.അജിത്ത് (വൈ. പ്രസിഡന്റ്), കെ.വിഷ്ണു (സെക്രട്ടറി), വി.ബി.വിഷ്ണു (ജോ. സെക്രട്ടറി) എന്നിവരെ തിരഞ്ഞെടുത്തു.