പാലാ: ഇന്ത്യയിലെ ജനസംഖ്യയുടെ കാൽ ശതമാനം വരുന്ന കോർപ്പറേറ്റുകളുടെ വളർച്ചയാണ് നരേന്ദ്ര മോഡി ലക്ഷ്യമാക്കുന്നതെന്ന് എൻ.സി.പി. സംസ്ഥാന നിർവ്വാഹക സമിതിയംഗം സത്യൻ പന്തത്തല ആരോപിച്ചു.വൈദ്യുതിനിലയങ്ങൾ സ്വകാര്യവത്കരിക്കുന്നതിനെതിരെ നാഷണലിസ്റ്റ് ലേബർ കോൺഗ്രസ് ( എൻ എൽ സി ) ബ്ലോക്ക് കമ്മിറ്റിയുടെ നേതൃത്വത്തിൽ പാലാ ഹെഡ് പോസ്റ്റ് ഓഫീസ് പടിക്കൽ നടന്ന ധർണ മണ്ണെണ്ണ വിളക്ക് കൊളുത്തി ഉദ്ഘാടനം ചെയ്യുകയായിരുന്നു അദ്ദേഹം. എൻ.സി.പി ബ്ലോക്ക് പ്രസിഡന്റ് അഡ്വ.ബേബി ഊരകത്തിന്റെ അധ്യക്ഷതയിൽ നടന്ന ധർണയിൽ എൻ.എൽ.സി സംസ്ഥാന നിർവാഹക സമിതി അംഗം എം.ആർ രാജു , ജോർജ്ജ് തെങ്ങണാൽ, ജോസഫ് അഗസ്റ്റ്യൻ , ഗോപി പുറയ്ക്കാട്ട്, ബേബി പൊന്മല, അശോകൻ വലവൂർ, ജോഷി ഏറത്ത്, അവിരാച്ചൻ നീറന്താനം എന്നിവർ പ്രസംഗിച്ചു.