കോട്ടയം : ജില്ലയിൽ 872 പേർക്ക് കൂടി കൊവിഡ് സ്ഥിരീകരിച്ചു. 863 പേർക്കും സമ്പർക്കം മുഖേനയാണ് വൈറസ് ബാധിച്ചത്. സംസ്ഥാനത്തിന് പുറത്തുനിന്നെത്തിയ ഒമ്പതു പേർ രോഗബാധിതരായി. 846 പേർ രോഗമുക്തരായി. 5058 പരിശോധന ഫലങ്ങളാണ് ലഭിച്ചത്. രോഗം ബാധിച്ചവരിൽ 382 പുരുഷൻമാരും, 367 സ്ത്രീകളും,123 കുട്ടികളും ഉൾപ്പെടുന്നു. നിലവിൽ 3806 പേരാണ് ചികിത്സയിലുള്ളത്. ഇതുവരെ ആകെ 309124 പേർ കൊവിഡ് ബാധിതരായി. 302626 പേർ രോഗമുക്തി നേടി. ജില്ലയിൽ ആകെ 40910 പേർ ക്വാറന്റൈനിൽ കഴിയുന്നുണ്ട്.