എ​രു​മേ​ലി : ലക്ഷക്കണക്കിന് രൂപ ചെലവഴിച്ച് എരുമേലിയിൽ നിർമ്മിച്ച ആധുനിക അറവുശാല അധികൃതരുടെ അനാസ്ഥയിൽ തുരുമ്പെടുത്ത് നാശത്തിന്റെ വക്കിൽ. പ​ഞ്ചാ​യ​ത്തി​ലെ നേ​ർ​ച്ച​പ്പാ​റ വാ​ർ​ഡി​ലെ ക​മു​കി​ൻ​കു​ഴി​യി​ൽ 14 വർഷം മുൻപ് നി​ർ​മി​ച്ച ആ​ധു​നി​ക അ​റ​വു​ശാ​ല​യാ​ണ് പ്ര​വ​ർ​ത്ത​നം തു​ട​ങ്ങാ​തെ കാ​ഴ്ചവ​സ്തുവായത്. പ്ര​വ​ർ​ത്ത​നം തു​ട​ങ്ങാ​ത്ത​തി​നെ തുടർന്ന് നി​യ​മ​സ​ഭാസ​മി​തി​യി​ൽ പ​രാ​തി എ​ത്തു​ക​യും ഉ​ട​ൻ പ്ര​വ​ർ​ത്ത​ന സ​ജ്ജ​മാ​ക്ക​ണ​മെ​ന്ന് 2019 ൽ ​പ​ഞ്ചാ​യ​ത്ത്‌ സെ​ക്ര​ട്ട​റി​ക്ക് സ​മി​തി ഉ​ത്ത​ര​വ് ന​ൽ​കു​ക​യും ചെ​യ്തി​രു​ന്നു. ​തു​ട​ർ​ന്ന് മു​ൻ ഭ​ര​ണ​സ​മി​തി പ്ര​വ​ർ​ത്ത​ന സ​ജ്ജ​മാ​ക്ക​ലി​നാ​യി 15 ല​ക്ഷം ചെ​ല​വി​ട്ടു. എ​ന്നി​ട്ടും പ്ര​വ​ർ​ത്ത​നം ആ​രം​ഭി​ക്കാ​ൻ ക​ഴി​യാ​തെ വ​ന്ന​പ്പോ​ൾ വാ​ട​ക വ്യ​വ​സ്ഥ​യി​ൽ ലേ​ലം ചെ​യ്തു സ്വ​കാ​ര്യ ഏ​ജ​ൻ​സി​ക്ക് ന​ൽ​കു​മെ​ന്ന് പ്ര​ഖ്യാ​പി​ച്ചെ​ങ്കി​ലും ന​ട​പ്പി​ലാ​യി​ല്ല.മ​ണ്ണു​ത്തി സ​ർ​വ​ക​ലാ​ശാ​ല​യി​ലെ ശാ​സ്ത്ര​ജ്ഞ​നെ കൊ​ണ്ടു​വ​ന്ന് അ​റ​വു​ശാ​ല പ​രി​ശോ​ധി​പ്പിച്ചിരു​ന്നു.

ഇനിയുമുണ്ട് ലക്ഷങ്ങൾ പൊടിച്ച പദ്ധതികൾ

അ​റ​വു​ശാ​ല പ്ര​വ​ർ​ത്തി​ക്കാ​ത്ത​തി​നാ​ൽ പ​ഞ്ചാ​യ​ത്തി​ലെ ക​ശാ​പ്പു​ക​ട​ക​ൾ​ക്ക് ലൈ​സ​ൻ​സ് ന​ൽ​കാ​നാ​വി​ല്ല. ലൈ​സ​ൻ​സ് ഫീ​സ് ഇ​ന​ത്തി​ൽ ഇ​തു മൂ​ലം വ​രു​മാ​നം ന​ഷ്‌​ട​പ്പെ​ടു​ക​യാ​ണ്. അ​റ​വു​ശാ​ല ഉ​ൾ​പ്പെ​ടെ ല​ക്ഷ​ങ്ങ​ൾ ചെ​ല​വ​ഴി​ച്ച ഒ​ട്ടേ​റെ പ​ദ്ധ​തി​ക​ൾ വ​ർ​ഷ​ങ്ങ​ളാ​യി പ്ര​വ​ർ​ത്ത​നം തു​ട​ങ്ങിയിട്ടില്ല. പൊ​തു ശ്മ​ശാ​നം, വ​യോ​ധി​ക​ർ​ക്കാ​യി നി​ർ​മി​ച്ച വൃ​ദ്ധ സ​ദ​നം, വ​നി​ത​ക​ൾ​ക്ക് താ​മ​സി​ക്കാ​ൻ നി​ർ​മി​ച്ച ഷീഹോ​സ്റ്റ​ൽ, ഖ​ര മാ​ലി​ന്യ​ങ്ങ​ൾ സം​സ്ക​രി​ക്കാ​ൻ നി​ർ​മി​ച്ച ഇ​ൻ​സി​നി​റേ​റ്റ​ർ എ​ന്നി​വയുടെ പ്ര​വ​ർ​ത്ത​നമാണ് ആ​രം​ഭി​ക്കാത്തത്.