ചങ്ങനാശേരി: എസ്.എൻ.ഡി.പി യോഗം ചങ്ങനാശേരി യൂണിയന്റെ ആഭിമുഖ്യത്തിൽ എറണാകുളം മുക്തിഭവൻ കൗൺസലിംഗ് സെന്ററിന്റെ സഹകരണത്തോടെ യുവതീ യുവാക്കൾക്കുള്ള വിവാഹ പൂർവ കൗൺസലിംഗ് കോഴ്‌സിന്റെ 65-ാമത് ബാച്ച് 16,17 തീയതികളിൽ ഓൺലൈനായി നടക്കും. 16ന് രാവിലെ 9ന് യൂണിയൻ പ്രസിഡന്റ് ഗിരീഷ് കോനാട്ട് കോഴ്‌സ് ഉദ്ഘാടനം ചെയ്യും. യൂണിയൻ സെക്രട്ടറി സുരേഷ് പരമേശ്വരൻ അദ്ധ്യക്ഷത വഹിക്കും. യൂണിയൻ വൈസ് പ്രസിഡന്റ് പി.എം ചന്ദ്രൻ, ബോർഡ് മെമ്പർ എൻ.നടേശൻ, കോഴ്‌സ് കോഓർഡിനേറ്റർ അജയകുമാർ തുടങ്ങിയവർ പങ്കെടുക്കും. ഗ്രെയ്‌സ് ലാൽ, ഡോ. ശരത്ചന്ദ്രൻ, രാജേഷ് പൊന്മല, സുരേഷ് പരമേശ്വരൻ, സജീവ് പൂവത്ത് എന്നിവർ ക്ലാസ് നയിക്കും. കോഴ്‌സിൽ പങ്കെടുക്കാൻ ആഗ്രഹിക്കുന്നവർ യൂണിയൻ ഓഫീസിലോ, ഓൺലൈനായോ പേരു രജിസ്റ്റർ ചെയ്യണമെന്ന് യൂണിയൻ സെക്രട്ടറി സുരേഷ് പരമേശ്വരൻ അറിയിച്ചു. പേര് രജിസ്റ്റർ ചെയ്യുന്നതിനനുസരിച്ച് ഓൺലൈൻ ലിങ്ക് അയയ്ക്കും. ഫോൺ: 04812420915, 9400512099,9496885517, 9947103728.