കോട്ടയം: വിരിപ്പുകൃഷിൽ വിളയിറക്കിയിട്ടുള്ള പാടശേഖരങ്ങളിൽ കൊയ്തെടുക്കുന്ന നെല്ലിന്റെ സംഭരണത്തിന് മഴക്കെടുതിയിൽ ഉണ്ടായേക്കാവുന്ന തടസങ്ങൾ ഒഴിവാക്കാൻ സപ്ലൈകോ
നടപടികളാരംഭിച്ചു. ഭക്ഷ്യ മന്ത്രി ജി.ആർ. അനിലിന്റെ പ്രത്യേക നിർദ്ദേശപ്രകാരം സപ്ലൈകോ സി.എം.ഡി. അലി അസ്ഗർ പാഷ കേരള റൈസ് മിൽ ഓണേഴ്സ് അസോസിയേഷൻ പ്രതിനിധികളുമായി ചർച്ച നടത്തി. കർഷകർ നേരിടുന്ന പ്രശ്നങ്ങൾ പരിഹരിച്ച് സംഭരണം സുഗമാക്കുന്നതിന് ചർച്ചയിൽ തീരുമാനമായി. ഈർപ്പം കൂടുതലുള്ള നെല്ല് ന്യായമായ കിഴിവ് നടത്തി വേഗത്തിൽ സംഭരിക്കും. കർഷകരുടെ നഷ്ടം ലഘൂകരികരിക്കുന്നതിന് മില്ലുടമകൾ നടപടി സ്വീകരിക്കും. നെല്ലുസംഭരണം വേഗത്തിലാക്കുന്നതിന് കൂടുതൽ വാഹനങ്ങൾ, ചാക്കുകൾ എന്നിവ മില്ലുടമകൾ ക്രമീകരിക്കും.