പെരുവ : സോഷ്യൽ ജസ്റ്റീസ് ഫോറം സംഘടിപ്പിക്കുന്ന 'ഹൃദയപൂർവ്വം അമ്മയ്‌ക്കൊപ്പം' സ്‌നേഹക്കൂട്ടായ്മ നാളെ രാവിലെ 10.30ന് പെരുവ ഗവ: ഗേൾസ് വൊക്കേഷണൽ ഹയർ സെക്കൻഡറി സ്‌കൂളിൽ പ്രസിഡന്റ് കെ.എം.വർഗീസ് ഉദ്ഘാടനം ചെയ്യും. വൈസ് പ്രസിഡന്റ് യു. ഐസക് അദ്ധ്യക്ഷത വഹിക്കും. കുഞ്ഞിളം കൈയ്യിൽ സമ്മാനം പരിപാടി പഞ്ചായത്ത് പ്രസിഡന്റ് ടി.കെ.വാസുദേവൻ നായരും പ്രതിഭാ സംഗമം പേരന്റ്‌സ് ഫോറം കോ ഓർഡിനേറ്റർ വി.എം.മോഹൻദാസും ഉദ്ഘാടനം ചെയ്യും. വിവിധ സ്‌കൂൾ പി.ടി.എ.കളിലെ മികച്ച പ്രവർത്തകരെ പഞ്ചായത്ത് വൈസ് പ്രസിഡന്റ് ഷീലാ ജോസഫ് ആദരിക്കും. പ്രിൻസിപ്പൽ കെ.എം.ബാലമുരളീകൃഷ്ണയ്ക്ക് ലീഡേഴ്‌സ് എക്‌സലൻസ് അവാർഡ് നൽകും.