ചങ്ങനാശേരി: എസ്.എൻ.ഡി.പി യോഗം ചങ്ങനാശേരി യൂണിയനെ കാൽനൂറ്റാണ്ട് കാലം നയിച്ച കെ.വി ശശികുമാറിന്റെ അഞ്ചാമത് ചരമവാർഷിക ദിനാചരണം യൂണിയന്റെ നേതൃത്വത്തിൽ 29ന് ആനന്ദാശ്രമം ഓഡിറ്റോറിയത്തിൽ നടക്കും. രാവിലെ 10ന് സ്മൃതിമണ്ഡപത്തിൽ പുഷ്പാർച്ചന, തുടർന്ന് 11ന് അനുസ്മരണ സമ്മേളനം യോഗം കൗൺസിലറും സ്‌പൈസസ് ബോർഡ് ചെയർമാനുമായ എ.ജി തങ്കപ്പൻ ഉദ്ഘാടനം ചെയ്യും. യൂണിയൻ പ്രസിഡന്റ് ഗിരീഷ് കോനാട്ട് അദ്ധ്യക്ഷത വഹിക്കും. അദ്വൈതവിദ്യാശ്രമം മഠാധിപതി സ്വാമി ധർമ്മ ചൈതന്യ അനുഗ്രഹ പ്രഭാഷണം നടത്തും.. അഡ്വ ജോബ് മൈക്കിൾ എം.എൽ.എ ഗുരുവന്ദനം ചികിത്സാ സഹായ വിതരണം ചെയ്യും. കോട്ടയം യൂണിയൻ പ്രസിഡന്റ് എം.മധു മുഖ്യപ്രസംഗം നടത്തും. സാംസൺ വലിയപറമ്പിൽ, പി.എസ് റഹീം, അഡ്വ പി.എസ് ശ്രീധരൻ, എൻ.നടേശൻ, സജീവ് പൂവത്ത്, എസ്.എൻ.എസ് ട്രസ്റ്റ് ട്രഷറർ പി.കെ കൃഷ്ണൻ, സാജൻ ഫ്രാൻസിസ്, പി.എച്ച് നാസർ തുടങ്ങിയവർ അനുസ്മരണ പ്രസംഗം നടത്തും. ശാന്തമ്മ ശശികുമാർ, കുടുംബാംഗങ്ങൾ, യൂണിയൻ കൗൺസിലർമാരായ എസ്.സാലിച്ചൻ, പി.എൻ പ്രതാപൻ, പി.ബി രാജീവ്, പി.അജയകുമാർ, എം.സുഭാഷ്, യൂണിയൻ പഞ്ചായത്ത് കമ്മറ്റി അംഗങ്ങളായ കെ.ജി പ്രസന്നൻ, അസിം.വി പണിക്കർ, ലതാ കെ.സലി, മൈക്രോ കോർഡിനേറ്റർ പി.എസ് കൃഷ്ണൻകുട്ടി, വൈദികയോഗം, വനിതാസംഘം, യൂത്ത്മൂവ്‌മെന്റ്, സൈബർസേന, കുമാരിസംഘം, ബാലജനയോഗം താലൂക്ക് യൂണിയൻ ഭാരവാഹികൾ എന്നിവർ പങ്കെടുക്കും. യൂണിയൻ സെക്രട്ടറി സുരേഷ് പരമേശ്വരൻ സ്വാഗതവും യൂണിയൻ വൈസ് പ്രസിഡന്റ് പി.എം ചന്ദ്രൻ നന്ദിയും പറയും.