അടിമാലി. എസ്.എൻ.ഡി.പിയോഗം യൂത്ത്മൂവ്‌മെന്റ് ജില്ലാ കമ്മറ്റിയുടെ ആഭിമുഖ്യത്തിൽ ദ്വിദിന നേതൃത്വ ക്യാമ്പ് 'ശംഖൊലി ' ഇന്ന് മുതൽ എസ്.എൻ .ഡി.പിയോഗം ട്രയിനിംഗ് കോളേജിൽ ആരംഭിക്കും. എസ്.എൻ.സി.പിയോഗം ജനറൽ സെക്രട്ടറി വെള്ളാപ്പള്ളി നടേശൻ ക്യാമ്പ്ഉദ്ഘാടനം ചെയ്യും.വൈസ് പ്രസിഡന്റ് തുഷാർ വെള്ളാപ്പള്ളി അദ്ധ്യക്ഷത വഹിക്കും. യൂത്ത് മൂവ്‌മെന്റ് കേന്ദ്ര സമിതി പ്രസിഡന്റ് പച്ചയിൽ സന്ദീപ്, കേന്ദ്ര സമിതി സെക്രട്ടറി രാജേഷ് നെടുമങ്ങാട് എന്നിവർ മുഖ്യ പ്രഭാഷണം നടത്തി. രാജാക്കാട് എസ്.എൻ സി.പി. യൂണിയൻ പ്രസിഡന്റ് എം.ബി.ശ്രീകുമാർ ക്യാമ്പ് സന്ദേശവും യോഗം കൗൺസിലർ എ. ജി തങ്കപ്പൻ സംഘടനാ സന്ദേശവും നൽകും. യോഗം അസി.സെക്രട്ടറി കെ.ഡി.രമേശ് അനുഗ്രഹ പ്രഭാഷണം നടത്തും. അടിമാലി യൂണിയൻ പ്രസിഡന്റ് സുനുരാമകൃഷ്ണൻ , പീരുമേട് യൂണിയൻ പ്രസിഡന്റ് ചെമ്പകുളം ഗോപി വൈദ്യർ , മലനാട് യൂണിയൻ പ്രസിഡന്റ് ബിജു മാധവൻ, നെടുംങ്കണ്ടം യൂണിയൻ പ്രസിഡന്റ് സജി പറമ്പത്ത്, ഇടുക്കി യൂണിയൻ പ്രസിഡന്റ് പി.രാജൻ , അടിമാലി യൂണിയൻ സെക്രട്ടറി കെ.കെ. ജയൻ , ഇടുക്കി യൂണിയൻ സെക്രട്ടറി സുരേഷ് കോട്ടയ്ക്കകത്ത് , രാജാക്കാട് യൂണിയൻ സെക്രട്ടറി കെ.എസ് ലതീഷ് കുമാർ , നെടുംങ്കണ്ടം യൂണിയൻ സെക്രട്ടറി സുധാകരൻ ആടിപ്ലാക്കൽ, മലനാട് യൂണിയൻ സെക്രട്ടറി വിനോദ് ഉത്തമൻ , തൊടുപുഴ യൂണിയൻ കൺവീനർ വി ജയേഷ്, പീരുമേട് യൂണിയൻ സെക്രട്ടറി കെ.പി. ബിനു, സൈബർ സേന കേന്ദ്ര സമിതി ചെയർമാൻ അനീഷ് പുല്ലുവേലി, യൂത്ത് മൂവ്‌മെന്റ് കേന്ദ്ര സമിതി കൗൺസിലർ സന്തോഷ് മാധവൻ, സൈബർ സേന കേന്ദ്ര സമിതി വൈസ് ചെയർമാൻ ഐബി പ്രഭാകരൻ, സൈബർ സേന കേന്ദ്ര സമിതി അംഗങ്ങളായ നിജുമോൻ ബാബു, അരുൺ കുമാർ എന്നിവർ ആശംസ പ്രസംഗങ്ങൾ നടത്തും. യൂത്ത് മൂവ്‌മെന്റ് ജില്ല ചെയർമാൻ പ്രവീൺ വട്ടമല സ്വാഗതവും ജില്ല കൺവീനർ വിനോദ് ശിവൻ നന്ദിയും പറയും. തുടർന്ന് എസ്.എൻ.ഡി.പി യോഗം കൗൺസിലർ പി.ടി. മന്മഥൻ 'ഗുരു സാക്ഷാത് പരബ്രഹ്മം ' എന്ന വിഷയത്തിൽ ക്ലാസ് നയിക്കും. വൈകിട്ട് സ്‌പോർട്‌സ് , ഗാനമേള
ഞായർ രാവിലെ 9 ന് അനൂപ് വൈക്കം, സജീഷ് മണലേൽ എന്നിവർ നയിക്കുന്ന പഠന ക്ലാസ് . 2 ന് സമാപന സമ്മേളനം രാജക്കാട് യൂണിയൻ പ്രസിഡന്റ് എം.ബി ശ്രീകുമാർ ഉദ്ഘാടനം ചെയ്യും അടിമാലി യൂണിയൻ പ്രസിഡന്റ് സുനുരാമകൃഷ്ണൻ മുഖ്യപ്രഭാഷണം നടത്തും. രാജാക്കാട് യൂണിയൻ സെക്രട്ടറി കെ.എസ്. ലതീഷ് കുമാർ സംഘടനാ സന്ദേശം നൽകും. അടിമാലി യൂണിയൻ സെക്രട്ടറി കെ.കെ.ജയൻ അനുഗ്രഹ പ്രഭാഷണം നടത്തും തുടർന്ന് ക്യാമ്പ് അവലോകനം.