പാലാ: നായർ സർവീസ് സൊസൈറ്റിയുടെ 107ാമതു പതാകദിനം മീനച്ചിൽ താലൂക്ക് എൻ.എസ്.എസ് യൂണിയൻ സമുചിതമായി ആചരിച്ചു.

പാലാ ചെത്തിമറ്റത്തുള്ള യൂണിയൻ ആസ്ഥാനത്ത് എൻ.എസ്.എസ് ഡയറക്ടർ മെമ്പർ കൂടിയായ യൂണിയൻ പ്രസിഡന്റ് സി.പി ചന്ദ്രൻ നായർ പതാക ഉയർത്തി. യൂണിയൻ കമ്മറ്റിയംഗങ്ങൾ, വനിതാ യൂണിയൻ കമ്മറ്റിയംഗങ്ങൾ, എൻ.എസ്.എസ് പ്രതിനിധിസഭാ മെമ്പർമാർ,യൂണിയൻ സെക്രട്ടറി, എൻ.എസ്.എസ് ഇൻസ്‌പെക്ടർ തുടങ്ങിയവർ ചടങ്ങിൽ പങ്കെടുത്തു. തുടർന്ന് യൂണിയൻ പ്രസിഡന്റ് ചെല്ലിക്കൊടുത്ത പ്രതിജ്ഞ അംഗങ്ങൾ ഏറ്റുചൊല്ലി. സമീപ ക്ഷേത്രങ്ങളിൽ വഴിപാടുകൾ നടത്തുകയും മധുരപലഹാരങ്ങൾ വിതരണം ചെയ്യുകയും ചെയ്തു. താലൂക്കിലെ 105 കരയോഗങ്ങളിലും പതാക ദിനം ആചരിച്ചതായി യൂണിയൻ സെക്രട്ടറി ഉഴവൂർ വി.കെ രഘുനാഥൻ നായർ അറിയിച്ചു.