മുംബയ്: ആഡംബര കപ്പലിലെ ലഹരി പാർട്ടിയുമായി ബന്ധപ്പെട്ട് അറസ്റ്റിലായ നടൻ ഷാരൂഖ് ഖാന്റെ മകൻ ആര്യൻ ഖാൻ ഇന്ന് ജാമ്യാപേക്ഷ സമർപ്പിക്കും. ആര്യനും സുഹൃത്തുക്കളും നാർക്കോട്ടിക് കൺട്രോൾ ബ്യൂറോയുടെ ​(​എ​ൻ സി ബി​)​ കസ്റ്റഡിയിൽ തുടരുന്നു.

ബോളിവുഡിലെ ഉന്നതരിലേക്കും അന്വേഷണം നീളാൻ സാദ്ധ്യതയുണ്ട്. അതേസമയം ലഹരി പാർട്ടിയിൽ രാഷ്ട്രീയ ബന്ധമുണ്ടെന്ന ആരോപണം തെറ്റാണെന്നും, മാദ്ധ്യമങ്ങൾക്ക് മുന്നിൽ എല്ലാ കാര്യങ്ങളും വെളിപ്പെടുത്താനാകില്ലെന്നും എൻ സി ബി ഡയറക്ടർ പറഞ്ഞു.

​ഇ​ന്ന​ലെ​ ​പു​ല​ർ​ച്ച​യോ​ടെ​ ​മും​ബ​യി​ലെ​ ​എ​ൻ സി ബി​ ​ആ​സ്ഥാ​ന​ത്ത് ​എ​ത്തി​ച്ച് ​മ​ണി​ക്കൂ​റു​ക​ൾ​ ​നീ​ണ്ട​ ​ചോ​ദ്യം​ ​ചെ​യ്യ​ലി​നു​ ​ശേ​ഷം ​ ​വൈ​കി​ട്ടാ​ണ് ആര്യൻ ഖാന്റെ ​അ​റ​സ്റ്റ് ​രേ​ഖ​പ്പെ​ടു​ത്തി​യ​ത്. കപ്പലിൽ സംഗീത പാർട്ടി നടന്നുകൊണ്ടിരിക്കെ ശനിയാഴ്ചയായിരുന്നു നാർക്കോട്ടിക് കൺട്രോൾ ബ്യൂറോ പരിശോധന നടത്തിയത്.

കോർഡേലിയ ക്രൂയിസ് ലൈനറിന്റെ എംപ്രസ് കപ്പലിലായിരുന്നു റെയ്ഡ് നടത്തിയത്. സംഗീത പരിപാടിയ്ക്കിടെ പരസ്യമായി മയക്കുമരുന്ന് ഉപയോഗിക്കുന്നവരെ ഉൾപ്പടെ അറസ്റ്റ് ചെയ്‌തു.ഇവരിൽ നിന്ന് കൊക്കെയ്ൻ,​ ഹാഷിഷ്,​ എം ഡി എം എ എന്നിവയും പിടിച്ചെടുത്തിരുന്നു.