തിരുവനന്തപുരം: സംസ്ഥാനത്ത് കഴിഞ്ഞ 24 മണിക്കൂറിൽ 12,616 പേർക്ക് കൊവിഡ് സിഥിരീകരിച്ചു. 98,782 സാമ്പിളുകളാണ് സംസ്ഥാനത്ത് പരിശോധിച്ചത്. പ്രതിവാര ഇന്‍ഫെക്ഷന്‍ പോപ്പുലേഷന്‍ റേഷ്യോ (WIPR) പത്തിന് മുകളിലുള്ള 745 വാര്‍ഡുകളിൽ കര്‍ശന നിയന്ത്രണമുണ്ടാകും. രോഗം സ്ഥിരീകരിച്ചവരില്‍ 49 പേര്‍ സംസ്ഥാനത്തിന് പുറത്ത് നിന്നും വന്നവരാണ്. 12,018 പേര്‍ക്ക് സമ്പര്‍ക്കത്തിലൂടെയാണ് രോഗം ബാധിച്ചത്. 452 പേരുടെ സമ്പര്‍ക്ക ഉറവിടം വ്യക്തമല്ല.

രോഗം സ്ഥിരീകരിച്ച് ചികിത്സയിലായിരുന്ന 14,516 പേര്‍ രോഗമുക്തി നേടി. വിവിധ ജില്ലകളിലായി 3,90,631 പേർ നിരീക്ഷണത്തിലുണ്ട്. ഇവരില്‍ 3,75,306 പേര്‍ ക്വാറന്റൈനിലും 15,325 പേര്‍ ആശുപത്രികളിലും നിരീക്ഷണത്തിലാണ്.

ഇന്നലെ 918 പേരെ പുതുതായി ആശുപത്രിയില്‍ പ്രവേശിപ്പിച്ചു. നിലവില്‍ 1,22,407 കൊവിഡ് രോഗികളാണ് കേരളത്തിലുള്ളത്. ഇതിൽ 11 ശതമാനം രോഗികൾ മാത്രമാണ് ആശുപത്രികളിൽ പ്രവേശിപ്പിച്ചിട്ടുള്ളത്. 134 പേർ കൊവിഡ് നിമിത്തം മരണമടഞ്ഞു. ഇതോടെ സംസ്ഥാനത്തെ ആകെ മരണം 25,811 ആയി.