വാഷിംഗ്ടൺ: അമേരിക്കയുടെ ആണവ അന്തർവാഹിനി ഏഷ്യൻ മേഖലയിലെ കടലിൽ അജ്ഞാത വസ്തുവുമായി കൂട്ടിയിടിച്ച് തകരാർ സംഭവിച്ചെന്ന് അമേരിക്കൻ നാവികസേന. യു.എസ് കണക്ടികട് എന്ന അതിവേഗ ആക്രമണ അന്തർവാഹിനിക്കാണ് അപകടം സംഭവിച്ചതെന്നാണ് വിവരം. ഇന്തോ-പസഫിക്ക് മേഖലയിലെ ദക്ഷിണ ചൈനാ കടലിൽ കടലിൽ ഒക്‌ടോബർ രണ്ടിനാണ് സംഭവം നടന്നതെന്നാണ് റിപ്പോർട്ടുകൾ.ചൈന അവകാശവാദമുന്നയിക്കുന്ന മേഖലയാണ് ദക്ഷിണ ചൈനാക്കടൽ ആളപായമില്ല.
എന്നാൽ, നിരവധി നാവികർക്ക് പരുക്കേറ്റിട്ടുണ്ട്.
അപകട കാരണമടക്കമുള്ള വിവരങ്ങൾ പരിശോധിക്കുകയാണെന്ന് യു.എസ് നാവികസേന അറിയിച്ചു. അന്തർവാഹിനിയിലെ ന്യൂക്ലിയർ പ്രൊപ്പൽഷൻ പ്ലാന്റിനെ അപകടം ബാധിച്ചിട്ടില്ലെന്നും നാവികസേന വ്യക്തമാക്കി.