പാരിസ്​: തിരിച്ചുവിളിച്ച നയതന്ത്രപ്രതിനിധിയെ ആസ്​ട്രേലിയയിലേക്ക് തന്നെ അയക്കുമെന്നറിയിച്ച് ഫ്രാൻസ്.

ഫ്രാൻസുമായുള്ള അന്ത‌ർവാഹിനി കരാറിൽ നിന്ന്​ ആസ്​ട്രേലിയ പിന്മാറിയതിനെ തുടർന്നാണ്​ നയതന്ത്രപ്രതിനിധിയായ ജീൻ പിയറി തെബോൾട്ടിനെ തിരിച്ചുവിളിച്ചത്​. ആസ്​ട്രേലിയയുമായുള്ള ഫ്രാൻസിന്റെ ബന്ധം എന്തെന്ന്​ ബോദ്ധ്യപ്പെടുത്തുകയും ദേശീയ താൽപ​ര്യം സംരക്ഷിക്കുകയുമാണ്​ നയതന്ത്രപ്രതിനിധിയെ തിരിച്ചയക്കുന്നതിന് പിന്നിലുള്ളതെന്ന്​ ഫ്രാൻസ്​ വിദേശകാര്യ മന്ത്രി ജീൻ യീവ്​സ്​ ലെ ദ്രിയാൻ പാർലമെന്റിൽ വ്യക്തമാക്കി.

ചൈനയുടെ വെല്ലുവിളി നേരിടാൻ അമേരിക്ക,​ ബ്രിട്ടൻ, ആസ്ട്രേലിയ എന്നീ രാജ്യങ്ങൾ കഴിഞ്ഞമാസം

ത്രിരാഷ്​ട്ര സഖ്യം രൂപവത്​കരിച്ചിരുന്നു. ഇതിന് പിന്നാലെ​ ആസ്​ട്രേലിയ അന്തർവാഹിനി കരാറിൽ നിന്ന്​ പിൻമാറി. അമേരിക്കയിലെ നയതന്ത്രപ്രതിനിധിയെയും ഫ്രാൻസ്​ തിരിച്ചുവിളിച്ചിരുന്നു.