യുവേഫ നേഷൻസ് ലീഗ് ലൂസേഴ്സ് ഫൈനലി​ൽ ഇറ്റലി​ 2-1ന് ബെൽജി​യത്തെ കീഴടക്കി​.

മി​ലാൻ : യുവേഫ നേഷൻസ് ലീഗി​ലെ മൂന്നാം സ്ഥാനം നേടി​യെടുത്ത് യൂറോ കപ്പ് ജേതാക്കളായ ഇറ്റലി​. ഇന്നലെ മി​ലാനി​ലെ സ്വന്തം തട്ടകത്തി​ൽ നടന്ന ലൂസേഴ്സ് ഫൈനലി​ൽ ഒന്നി​നെതി​രെ രണ്ടുഗോളുകൾക്ക് ബെൽജി​യത്തെ കീഴടക്കി​യായി​രുന്നു ഇറ്റലി​യുടെ സ്ഥാനാരോഹണം.

ഗോൾ രഹി​തമായ ആദ്യ പകുതി​ക്ക് ശേഷം 46-ാം മി​നി​ട്ടി​ൽ ബറേലയും 65-ാം മിനിട്ടിൽ പെനാൽറ്റിയിലൂടെ ബെരാഡിയുമാണ് ഇറ്റാലിയൻ ഗോളുകൾ നേടിയത്.കരാസ്കോയും ബത്ഷുവായ്‌യും അവസരങ്ങൾ പാഴാക്കിയപ്പോൾ 86-ാംമിനിട്ടിൽ ഡി കെറ്റെലെയറാണ് ബെൽജിയത്തിന്റെ ആശ്വാസ ഗോൾ നേടിയത്.

സെമിയിൽ സ്പെയ്‌നിനോട് തോറ്റതോടെയാണ് ഇറ്റലിക്ക് ലൂസേഴ്സ് ഫൈനലിന് ഇറങ്ങേണ്ടിവന്നത്. ബെൽജിയം സെമിയിൽ ഫ്രാൻസിനോടാണ് തോറ്റത്. ഇക്കഴിഞ്ഞ യൂറോകപ്പിന്റെ ക്വാർട്ടർ ഫൈനലിൽ ബെൽജിയത്തെ പുറത്താക്കിയത് ഇറ്റലിയായിരുന്നു.