ലാ പാസ്: ബൊളീവിയയിൽ സൈനിക വിമാനം തകർന്ന് ആറുപേർ കൊല്ലപ്പെട്ടു.ആമസോൺ മേഖലയിലെ അഗ്വാ ഡുലേസിലാണ് സംഭവം. ആരോഗ്യവകുപ്പിലെ ഉദ്യോഗസ്ഥരുമായി യാത്രതിരിച്ച വിമാനമാണ് അപകടത്തിൽപ്പെട്ടത്. വിമാനം പറന്നുയർന്ന് മിനിട്ടുകൾക്കകം സംഭവിച്ച അപകടത്തിൽ പൈലറ്റ് അടക്കം വിമാനത്തിലുണ്ടായിരുന്ന മുഴുവൻ പേരും കൊല്ലപ്പെട്ടതായി സൈനിക വക്താവ് ലൂയിസ് ക്യൂവെസ് സ്ഥിരീകരിച്ചു.ഡെങ്കി,​ ചിക്കൻ ഗുനിയ പ്രതിരോധ പരിപാടിയിൽ പങ്കെടുക്കാൻ റിബറാൾട്ടയിൽ നിന്നും കോബിജയിലേക്കാണ്
പുറപ്പെട്ട ആരോഗ്യവകുപ്പ് ഉദ്യോഗസ്ഥരുടെ സംഘമാണ് അപകടത്തിൽപ്പെട്ടത്.