മാലെ : അന്താരാഷ്ട്ര ഫുട്ബാൾ മത്സരങ്ങളിൽ ബ്രസീലിയൻ ഇതിഹാസം പെലെയുടെ 77 ഗോളുകളുടെ എണ്ണത്തിനൊപ്പമെത്തി ഇന്ത്യൻ നായകൻ സുനിൽ ഛെത്രി. ഇന്നലെ സാഫ് കപ്പ് ഫുട്ബാൾ ചാമ്പ്യൻഷിപ്പിൽ മാൽദീവ്സിനെതിരായ മത്സരത്തിലാണ് ഛെത്രി തന്റെ 77-ാമത് ഗോൾ നേടിയത്. മത്സരത്തിന്റെ 82-ാം മിനിട്ടിലാണ് ഇന്ത്യൻ നായകൻ ആരാധകർ കാത്തിരുന്ന ഗോൾ നേടിയത്. ഈ ഗോളിലൂടെ വിജയം കണ്ട ഇന്ത്യ ടൂർണമെന്റിലെ ഫൈനൽ പ്രതീക്ഷ സജീവമാക്കുകയും ചെയ്തു. ടൂർണമെന്റിലെ ഇന്ത്യയു‌ടെ ആദ്യ വിജയമായിരുന്നു ഇത്. കഴിഞ്ഞ രണ്ട് മത്സരങ്ങളിലും ഇന്ത്യ സമനില വഴങ്ങുകയായിരുന്നു.

123 മത്സരങ്ങളിൽ നിന്നാണ് ഛെത്രി 77 ഗോളുകൾ നേടിയത്.

92 മത്സരങ്ങളിൽ നിന്നാണ് പെലെ 77 ഗോളുകൾ നേടിയിരുന്നത്.

112 ഗോളുകൾ നേടിയിട്ടുള്ള ക്രിസ്റ്റ്യാനോ റൊണാൾഡോയാണ് ലോകത്ത് ഏറ്റവും കൂടുതൽ അന്താരാഷ്ട്ര ഗോളുകൾ നേടിയ താരം.