അഹാന കൃഷ്ണ ആദ്യമായി സംവിധാനം ചെയ്യുന്ന മ്യൂസിക് ആൽബത്തിന്റഎ ഫസ്റ്റ് ലുക്ക് പോസ്റ്റർ പുറത്ത്. തോന്നല് എന്ന് പേരിട്ടിരിക്കുന്ന ആൽബത്തിൽ അഹാന തന്നെയാണ് നായികയായി എത്തുന്നത്. ഷെഫിന്റെ വേഷം ധരിച്ചു നിൽക്കുന്ന അഹാനയാണ് പോസ്റ്ററിൽ. ഒക്ടോബർ 30ന് സിനിമയുടെ ഷൂട്ടിങ് ആരംഭിക്കുമെന്നും അഹാന വ്യക്തമാക്കി. തന്റെ പിറന്നാൾ ദിനത്തിലാണ് സംവിധായികയാകുന്ന പ്രഖ്യാപനം അഹാന നടത്തിയത്.

ആറു മാസം മുൻപാണ് ഇതൊരു ചെറിയ വിത്തായി എന്റെ തലയിലേക്ക് വന്നത്. കഴിഞ്ഞ കുറച്ചു മാസങ്ങൾ അതിന് സ്നേഹവും സംരക്ഷണവും പരിപാലനവും നൽകി അത് ജീവിതമായി മാറുന്നത് കണ്ടു. അതിനാൽ ഇതിനെ എന്റെ ആദ്യത്തെ കുഞ്ഞെന്ന് വിളിക്കാം. ഞാൻ സ്നേഹിക്കുന്ന ഒരുകൂട്ടം ആളുകളാണ് ഇത് യാഥാർത്ഥ്യമാക്കാൻ ഒന്നിച്ചത്. ഒക്ടോബർ 30 ന് തോന്നൽ ഞങ്ങളുടെ ഹൃദയത്തിൽ നിന്ന് പുറത്തിറങ്ങും. നിങ്ങളിലേക്ക് എത്തുമെന്ന് പ്രതീക്ഷിക്കുന്നു- അഹാന കുറിച്ചു.

ഗോവിന്ദ് വസന്തയാണ് സം​ഗീത സംവിധാനം. . നിമിഷ് രവിയാണ് ഛായാ​ഗ്രഹണം. മിഥുൻ മുരളി എഡിറ്റിംഗും അനീസ് നാടോടി പ്രൊഡക്ഷൻ ഡിസൈനിംഗും നിർവഹിക്കുന്നു.