ന്യൂഡൽഹി: ആര്യൻ ഖാനുമായി ബന്ധപ്പെട്ട മയക്കുമരുന്ന് കേസ് രാജ്യമെമ്പാടും ചർച്ചാവിഷയം ആയിരിക്കെ ഷാറൂഖ് ഖാനോടും കുടുംബത്തോടും വിവാദ അഭ്യർത്ഥനയുമായി പാകിസ്ഥാൻ ടെലിവിഷൻ അവതാരകൻ വഖാർ സാക്ക. താരത്തോട് കുടുംബത്തോടൊപ്പം ഇന്ത്യവിട്ട് പാകിസ്ഥാനിലേക്ക് മാറാൻ അവതാരകൻ ആവശ്യപ്പെട്ടു. ട്വിറ്ററിലൂടെയാണ് വഖാർ ഇത്തരമൊരു അഭ്യർത്ഥന നടത്തിയത്.

സർ, ഷാരൂഖ് ഖാൻ, ഇന്ത്യ വിട്ട് നിങ്ങളുടെ കുടുംബത്തോടൊപ്പം പാകിസ്ഥാനിലേക്ക് മാറുക. നരേന്ദ്ര മോദി സർക്കാർ നിങ്ങളുടെ കുടുംബത്തോട് ചെയ്യുന്നത് തീർത്തും തെറ്റാണ്. ഞാൻ ഷാരൂഖിനൊപ്പം നിൽക്കുന്നു എന്നും വഖാർ ട്വിറ്ററിൽ കുറിച്ചു.

Sir @iamsrk leave India and shift to Pakistan along with ur family - this is bullshit what @narendramodi Govt is doing with ur family , I stand with SKR

— Waqar Zaka (@ZakaWaqar) October 22, 2021

വഖാറിന്റെ ഈ ട്വീറ്റിന് ചിലർ പിന്തുണ നൽകിയപ്പോൾ മറ്റ് ചിലർ പരിഹസിച്ച് രംഗത്തെത്തി. ഷാരൂഖിനെ പിന്തുണച്ച് ഒരു ഉപയോക്താവ് എഴുതി, ഷാരൂഖ് ഖാന്റെ ഭാര്യ ഹിന്ദുവാണ്, അദ്ദേഹം ഹിന്ദുക്കളുടെ ഉത്സവങ്ങളും ആഘോഷിക്കുന്നു. ഭാര്യയുടെ മതത്തെ ബഹുമാനിക്കുന്നു. ഇത് ഒരു യഥാർത്ഥ മനുഷ്യന്റെ അടയാളമാണ്. അതേസമയം, ചില ട്വിറ്റർ ഉപയോക്താക്കൾ പാക്കിസ്ഥാനിലെ സിനിമാ വ്യവസായത്തിന്റെ ശോച്യാവസ്ഥയെക്കുറിച്ച് വഖാറിനെ ഓർമ്മിപ്പിച്ചു.