കിളിമാനൂർ: കിളിമാനൂർ സ്വദേശിയെ ബഹ്റൈനിലെ ജോലി സ്ഥലത്ത് തൂങ്ങി മരിച്ച നിലയിൽ കണ്ടെത്തി. കിളിമാനൂർ നഗരൂർ നന്ദായ് വനം ഫെൽസി നിവാസിൽ പ്രജികുമാറാണ് (50) മരിച്ചത്.

കഴിഞ്ഞ കുറച്ച് ദിവസമായി ഇദ്ദേഹത്തെക്കുറിച്ച് വിവരം ലഭിക്കാത്തതിനാൽ ബഹ്റൈനിലുള്ള ബന്ധുക്കൾ ബഹ്റൈനിലെ നയിം പൊലീസ് സ്റ്റേഷനിൽ പരാതി നൽകിയിരുന്നു. തുടർന്ന് അന്വേഷണം നടക്കുന്നതിനിടയിലാണ് ചൊവ്വാഴ്ച മൃതദേഹം കണ്ടെത്തിയത്. നാല് വർഷം മുൻപ് ബഹ്റൈനിൽ എത്തിയ ഇദ്ദേഹം കരാർ ജോലികൾ ഏറ്റെടുത്ത് നടത്തി വരികയായിരുന്നു. ഭാര്യ: റിനി. മക്കൾ: വിഷ്ണു, അനുഗ്രഹ.