നവംബർ 16 അനശ്വര നടൻജയന്റെ 41-ാം ചരമവാർഷി​കദി​നം.​പ്ര​ശ​സ്ത​ ​സം​വി​ധാ​യ​ക​ൻ​പി.​ ​ച​ന്ദ്ര​കു​മാ​റി​ന്റെ ഒാർമ്മക്കുറി​പ്പ്

എ​ഴു​പ​തു​ക​ളു​ടെ​ ​പ​കു​തി​യി​ലാ​ണ് ​ഞാ​ൻ​ ​ജ​യ​നെ​ ​പ​രി​ച​യ​പ്പെ​ടു​ന്ന​ത്.​ ​ഞാ​ന​ന്ന് ​അ​സി​സ്റ്റ​ന്റ് ​ഡ​യ​റ​ക്ട​റാ​ണ്.​ ​സീ​നി​യ​ർ​ ​ടെ​ക്‌​നീ​ഷ്യ​ന്മാ​രോ​ടും​ ​താ​ര​ങ്ങ​ളോ​ടും​ ​അ​ടു​ത്തി​ട​പ​ഴ​കു​ന്ന​തി​നേ​ക്കാ​ൾ​ ​തു​ട​ക്ക​ക്കാ​രോ​ടും​ ​സാ​ധാ​ര​ണ​ക്കാ​രാ​യ​ ​യൂ​ണി​റ്റം​ഗ​ങ്ങ​ളോ​ടും​ ​ഏ​റെ​ ​അ​ടു​പ്പം​ ​പു​ല​ർ​ത്തി​യി​രു​ന്ന​യാ​ളാ​ണ് ​ജ​യ​ൻ.
ജേ​സി​ ​സം​വി​ധാ​നം​ ​ചെ​യ്ത​ ​അ​ഗ്നി​പു​ഷ്പം​ ​എ​ന്ന​ ​സി​നി​മ​യു​ടെ​ ​തി​രു​വ​ന​ന്ത​പു​ര​ത്തെ​ ​ലൊ​ക്കേ​ഷ​നി​ൽ​ ​വ​ച്ചാ​ണ് ​ഞാ​ൻ​ ​ആ​ദ്യ​മാ​യി​ ​ജ​യ​നെ​ ​ക​ണ്ട​ത്.തി​രു​വ​ന​ന്ത​പു​ര​ത്ത് ​പ​ട്ട​ത്തു​ള്ള​ ​താ​രാ​ ​ഹോ​ട്ട​ലി​ൽ​ ​(​ഇ​പ്പോ​ഴ​ത്തെ​ ​എ​സ്.​യു.​ടി​ ​ഹോ​സ്‌​പി​റ്റ​ൽ​)​ ​ആ​യി​രു​ന്നു​ ​ഷൂ​ട്ടിം​ഗ്.​ ​പ്ര​ധാ​ന​ ​ടെ​ക്നീ​ഷ്യ​ന്മാ​രും​ ​താ​ര​ങ്ങ​ളു​മൊ​ക്കെ​ ​താ​മ​സി​ച്ചി​രു​ന്ന​തും​ ​താ​രാ​ ​ഹോ​ട്ട​ലി​ൽ​ ​ത​ന്നെ.​ ​താ​രാ​ ​ഹോ​ട്ട​ലി​ന​ടു​ത്തു​ള്ള​ ​പേ​ൾ​ ​എ​ന്ന​ ​ചെ​റി​യൊ​രു​ ​ലോ​ഡ്‌​ജി​ലാ​യി​രു​ന്നു​ ​ഞാ​നും​ ​സ​ത്യ​നും​ ​(​സ​ന്ത്യ​ൻ​ ​അ​ന്തി​ക്കാ​ട്),​ആ​ന​ന്ദ​ക്കു​ട്ട​നു​മൊ​ക്കെ​ ​താ​മ​സി​ച്ചി​രു​ന്ന​ത്.​ ​ആ​ ​സി​നി​മ​യു​ടെ​ ​കാ​മ​റാ​ ​അ​സി​സ്റ്റ​ന്റാ​യി​രു​ന്നു​ ​ആ​ന​ന്ദ​ക്കു​ട്ട​ൻ.
രാ​മ​ച​ന്ദ്ര​ബാ​ബു​ ​സാ​റാ​യി​രു​ന്നു​ ​അ​ഗ്നി​പു​ഷ്പ​ത്തി​ന്റെ​ ​കാ​മ​റാ​മാ​ൻ.
ക​മ​ല​ഹാ​സ​നും​ ​ജ​യ​ഭാ​ര​തി​യു​മാ​യി​രു​ന്നു​ ​അ​ഗ്നി​പു​ഷ്പ​ത്തി​ലെ​ ​നാ​യ​ക​നും​ ​നാ​യി​ക​യും.​ ​ഒ​രു​ ​പൊ​ലീ​സ് ​ഒാ​ഫീ​സ​റു​ടെ​ ​വേ​ഷ​മാ​യി​രു​ന്നു​ ​ജ​യ​ന്.
ചെ​ങ്ക​ൽ​ചൂ​ള​യാ​യി​രു​ന്നു​ ​അ​ഗ്നി​പു​ഷ്പ​ത്തി​ന്റെ​ ​മ​റ്റൊ​രു​ ​പ്ര​ധാ​ന​ ​ലൊ​ക്കേ​ഷ​ൻ.​ ​ഇ​ന്ന​ത്തെ​യ​ത്ര​ ​പോ​ലും​ ​വി​ക​സി​ച്ചി​ട്ടി​ല്ലാ​ത്ത​ ​ഒ​ന്നു​നി​ന്നു​തി​രി​യാ​ൻ​ ​പോ​ലും​ ​സ്ഥ​ല​മി​ല്ലാ​ത്ത​ ​ചെ​ങ്ക​ൽ​ചൂ​ള​യി​ൽ​ ​ഏ​റെ​ ​ബു​ദ്ധി​മു​ട്ടി​യാ​യി​രു​ന്നു​ ​ഷൂ​ട്ട് ​ചെ​യ്ത​ത്.​ ​ആ​ൾ​ക്കൂ​ട്ട​ത്തെ​ ​നി​യ​ന്ത്രി​ക്കാ​നു​ള്ള​ ​ക​ഷ്ട​പ്പാ​ട് ​വേ​റെ.
ഒ​രു​ദി​വ​സം​ ​രാ​വി​ലെ​ ​പേ​ൾ​ ​ലോ​ഡ്ജി​ൽ​ ​നി​ന്ന് ​ഞാ​നും​ ​സ​ത്യ​നും​ ​താ​ര​ ​ഹോ​ട്ട​ലി​ലേ​ക്ക് ​ചെ​ല്ലു​മ്പോ​ൾ​ ​ക​ണ്ട​ത് ​ഹോ​ട്ട​ലി​ന് ​മു​ന്നി​ലെ​ ​പു​ൽ​ത്ത​കി​ടി​യി​ലൂ​ടെ​ ​നൈ​റ്റ് ​ഗൗ​ണു​മ​ണി​ഞ്ഞ് ​കൈ​യി​ൽ​ ​ചാ​യ​ക്ക​പ്പും​ ​പി​ടി​ച്ച് ​ന​ട​ക്കു​ന്ന​ ​ഒ​രാ​ളെ​യാ​ണ്.
അ​ക്കാ​ല​ത്തെ​ ​സി​നി​മ​ക​ളി​ൽ​ ​മ​ധു​സാ​റും​ ​മ​റ്റു​മൊ​ക്കെ​ ​അ​ണി​ഞ്ഞി​രു​ന്ന​ ​ത​ര​ത്തി​ലു​ള്ള​ ​നൈ​റ്റ് ​ഗൗ​ണു​മ​ണി​ഞ്ഞ് ​നി​ൽ​ക്കു​ന്ന​ ​ഒ​രാ​ളെ​ ​നേ​രി​ൽ​ ​ക​ണ്ട​ ​അ​തി​ശ​യ​ത്തോ​ടെ​ ​ഞാ​ൻ​ ​സ​ത്യ​നോ​ട് ​ചോ​ദി​ച്ചു:
''ഇ​വി​ടെ​ ​ഇ​ങ്ങ​നെ​യു​ള്ള​ ​ആ​ൾ​ക്കാ​രു​മു​ണ്ട​ല്ലേ​?​""
ഞ​ങ്ങ​ൾ​ ​ശ്ര​ദ്ധി​ച്ച​ ​പോ​ലെ​ ​അ​യാ​ൾ​ ​ഞ​ങ്ങ​ളെ​യും​ ​ശ്ര​ദ്ധി​ച്ചു.

ജേ​സി​ ​സാ​റി​ന്റെ​ ​മു​റി​യി​ൽ​ച്ചെ​ന്ന് ​അ​ന്ന് ​ഷൂ​ട്ട് ​ചെ​യ്യേ​ണ്ട​ ​സീ​നു​ക​ളെ​പ്പ​റ്റി​ ​ഞാ​നും​ ​സ​ത്യ​നും​ ​ജേ​സി​ ​സാ​റി​നോ​ട് ​സം​സാ​രി​ക്കു​മ്പോ​ൾ​ ​ജേ​സി​ ​സാ​ർ​ ​പൊ​ലീ​സ് ​ഒാ​ഫീ​സ​റി​ന്റെ​ ​സീ​നി​നെ​പ്പ​റ്റി​ ​പ​റ​ഞ്ഞു.​ ​ചെ​ങ്ക​ൽ​ചൂ​ള​യി​ലാ​ണ് ​ആ​ ​സീ​ൻ​ ​ചി​ത്രീ​ക​രി​ക്കേ​ണ്ട​ത്.
പൊ​ലീ​സ് ​ഒാ​ഫീ​സ​റാ​യി​ ​അ​ഭി​ന​യി​ക്കേ​ണ്ട​യാ​ൾ​ ​വ​ന്നോ​യെ​ന്ന് ​ചോ​ദി​ച്ച​പ്പോ​ൾ​ ​ജേ​സി​ ​സാ​ർ​ ​പ​റ​ഞ്ഞു​:​ ​''ഇ​പ്പോ​ൾ​ ​വ​രും.​""
കു​റ​ച്ച് ​ക​ഴി​ഞ്ഞ​പ്പോ​ഴേ​ക്കും​ ​ആ​ൾ​ ​അ​വി​ടേ​ക്ക് ​വ​ന്നു.​ ​നേ​ര​ത്തെ​ ​ഞ​ങ്ങ​ൾ​ ​ക​ണ്ട​ ​താ​ഴ​ത്തെ​ ​പു​ൽ​ത്ത​കി​ടി​യി​ൽ​ ​നൈ​റ്റ് ​ഗൗ​ൺ​ ​അ​ണി​ഞ്ഞ് ​ചാ​യ​ ​കു​ടി​ച്ച് ​നി​ന്നി​രു​ന്ന​ ​പി​ന്നീ​ട് ​സാ​ക്ഷാ​ൽ​ ​ജ​യ​നാ​യി​ ​മാ​റി​യ​ ​ആ​ൾ.''​ഇ​ത്.​ ​കൃ​ഷ്ണ​ൻ​നാ​യ​ർ​ ​എ​ന്ന​ ​ബേ​ബി.​ ​എ​ന്റെ​ ​ശാ​പ​മോ​ക്ഷ​ത്തി​ലാ​ണ് ​ആ​ദ്യ​മ​ഭി​ന​യി​ച്ച​ത്.​ "" ​ജേ​സി​ ​സാ​ർ​ ​ഞ​ങ്ങ​ൾ​ക്ക് ​ആ​ളി​നെ​ ​പ​രി​ച​യ​പ്പെ​ടു​ത്തി.
''പി.​ ​ച​ന്ദ്ര​കു​മാ​റും​ ​സ​ത്യ​ൻ​ ​അ​ന്തി​ക്കാ​ടും.​ ​ഇൗ​ ​ര​ണ്ട് ​പേ​രു​ക​ളും​ ​എ​നി​ക്ക​റി​യാം.​ ​ര​ണ്ട് ​പേ​രെ​യും​ ​എ​നി​ക്ക് ​നേ​രി​ട്ട് ​പ​രി​ച​യ​മി​ല്ലെ​ന്നേ​യു​ള്ളൂ​ ​""അ​ദ്ദേ​ഹം​ ​പ​റ​ഞ്ഞു.
സി​നി​മ​യി​ൽ​ ​പ്ര​വ​ർ​ത്തി​ക്കു​ന്ന​ ​ഒ​ട്ടു​മി​ക്ക​ ​പേ​രെ​യും​ ​അ​ദ്ദേ​ഹ​ത്തി​ന് ​അ​റി​യാ​മാ​യി​രു​ന്നു.​ ​സി​നി​മ​യി​ൽ​ ​അ​വ​സ​ര​ത്തി​നാ​യി​ ​ഒ​രു​പാ​ട് ​വാ​തി​ലു​ക​ളി​ൽ​ ​മു​ട്ടി​യി​ട്ടു​ണ്ട് ​അ​ദ്ദേ​ഹം.
ചെ​ങ്ക​ൽ​ചൂ​ള​യി​ൽ​ ​ജ​യ​ഭാ​ര​തി​യെ​യും​ ​സോ​മ​നെ​യും​ ​ജ​യ​ൻ​ ​അ​റ​സ്റ്റ് ​ചെ​യ്തു​കൊ​ണ്ട് ​പോ​കു​ന്ന​ ​രം​ഗ​ങ്ങ​ളാ​ണ് ​ചി​ത്രീ​ക​രി​ച്ച​ത്.​ ​ജ​യ​ന്റെ​ ​രൂ​പ​വും​ ​ത​ല​യെ​ടു​പ്പു​മൊ​ക്കെ​ ​ക​ണ്ട് ​യ​ഥാ​ർ​ത്ഥ​ ​പൊ​ലീ​സ് ​ഒാ​ഫീ​സ​റാ​ണെ​ന്ന് ​ഷൂ​ട്ടിം​ഗ് ​കാ​ണാ​നെ​ത്തി​യ​ ​ആ​ൾ​ക്കൂ​ട്ടം​ ​തെ​റ്റി​ദ്ധ​രി​ച്ചു.​ ​യ​ഥാ​ർ​ത്ഥ​ ​പൊ​ലീ​സ് ​ഒാ​ഫീ​സ​റെ​പ്പോ​ലെ​യാ​യി​രു​ന്നു​ ​അ​ദ്ദേ​ഹ​ത്തി​ന്റെ​ ​പെ​രു​മാ​റ്റ​വും.​ ​ആ​ൾ​ക്കൂ​ട്ട​ത്തെ​ ​വ​ക​ഞ്ഞ് ​മാ​റ്റു​ന്ന​ ​രം​ഗ​ത്ത് ​ആ​ൾ​ക്കൂ​ട്ടം​ ​പേ​ടി​യോ​ടെ​ ​ഇ​രു​വ​ശ​ത്തേ​ക്കും​ ​മാ​റി.

അ​ഗ്നി​പു​ഷ്പ​ത്തി​ൽ​ ​മൂ​ന്നേ​ ​മൂ​ന്ന് ​സീ​നി​ലേ​ ​ജ​യ​നു​ണ്ടാ​യി​രു​ന്നു​ള്ളൂ.​ ​ഷൂ​ട്ടിം​ഗ് ​ക​ഴി​ഞ്ഞ് ​പി​ന്നീ​ട് ​ഡ​ബിം​ഗി​നാ​യി​ ​മ​ദ്രാ​സി​ൽ​ ​വ​ന്നു.​ ​റെ​യി​ൽ​വേ​ ​സ്റ്റേ​ഷ​നി​ലേ​ക്ക് ​കാ​റു​മാ​യി​ ​അ​ദ്ദേ​ഹ​ത്തെ​ ​വി​ളി​ക്കാ​ൻ​ ​പോ​യ​ത് ​ഞാ​നാ​ണ്.
ട്രെ​യി​ൻ​ ​അ​ന്ന് ​ഒ​രു​ ​മ​ണി​ക്കൂ​റോ​ളം​ ​വൈ​കി​യാ​ണ് ​എ​ത്തി​യ​ത്.​ ​മ​ദ്രാ​സി​ലെ​ ​പാം​ഗ്രോ​വ് ​ഹോ​ട്ട​ലി​ലാ​യി​രു​ന്നു​ ​ജേ​സി​സാ​ർ​ ​സ്ഥി​ര​മാ​യി​ ​താ​മ​സി​ച്ചി​രു​ന്ന​ത്.​ ​അ​വി​ടെ​ത്ത​ന്നെ​ ​ജ​യ​നും​ ​റൂ​മെ​ടു​ത്തു​കൊ​ടു​ത്തു.
റെ​യി​ൽ​വേ​ ​സ്റ്റേ​ഷ​നി​ൽ​ ​വ​ന്നി​റ​ങ്ങി​യ​യു​ട​ൻ​ ​ജ​യ​ൻ​ ​എ​ന്നോ​ട് ​ചോ​ദി​ച്ച​ത് ​`​`​ന​ല്ല​ ​വി​ശ​പ്പു​ണ്ട്.​ ​വ​ല്ല​തും​ ​ക​ഴി​ച്ചാ​ലോ​ ​'​'​യെ​ന്നാ​ണ്.
അ​ക്കാ​ല​ത്ത് ​ചെ​റി​യ​ ​ചെ​റി​യ​ ​ചാ​യ​ക്ക​ട​ക​ള​ല്ലാ​തെ​ ​ന​ല്ല​ ​റെ​സ്റ്റോ​റ​ന്റു​ക​ളൊ​ന്നും​ ​മ​ദ്രാ​സ് ​സെ​ൻ​ട്ര​ൽ​ ​റെ​യി​ൽ​വേ​ ​സ്റ്റേ​ഷ​ന്റെ​ ​പ​രി​സ​ര​ത്തു​ണ്ടാ​യി​രു​ന്നി​ല്ല.​ ​ഇ​വി​ടെ​ ​ന​ല്ല​ ​ഭ​ക്ഷ​ണ​മൊ​ന്നും​ ​കി​ട്ടി​ല്ലെ​ന്ന് ​ഞാ​ൻ​ ​പ​റ​ഞ്ഞ​പ്പോ​ൾ​ ​മ​ദ്രാ​സി​ൽ​ ​കി​ട്ടു​ന്ന​ ​ഏ​റ്റ​വും​ ​ന​ല്ല​ ​ഭ​ക്ഷ​ണ​മെ​ന്താ​യി​രി​ക്കു​മെ​ന്നാ​യി​ ​ചോ​ദ്യം.
ഇ​ഡ്‌​ഡ​ലി​യും​ ​വ​ട​യും​ ​പൊ​ങ്ക​ലു​മാ​ണ് ​ത​മി​ഴ് ​നാ​ട്ടു​കാ​രു​ടെ​ ​പ്രി​യ​ ​വി​ഭ​വ​മെ​ന്ന് ​ഞാ​ൻ​ ​മ​റു​പ​ടി​യും​ ​പ​റ​ഞ്ഞു.
ന​മ്മു​ടെ​ ​നാ​ട്ടി​ലെ​ ​ഭ​ക്ഷ​ണ​വും​ ​തേ​ടി​പ്പോ​യാ​ൽ​ ​എ​വി​ടെ​യെ​ങ്കി​ലും​ ​കി​ട്ടി​യേ​ക്കു​മെ​ന്ന് ​പ​റ​ഞ്ഞ​പ്പോ​ൾ​ ​വേ​ണ്ട. ​ത​മി​ഴ്നാ​ടി​ന്റെ​ ​ഭ​ക്ഷ​ണം​ ​ത​ന്നെ​യാ​വാ​മെ​ന്ന് ​ജ​യ​ൻ​ ​പ​റ​ഞ്ഞു.
പാം​ഗ്രോ​വ് ​ഹോ​ട്ട​ലി​ൽ​ ​ന​ല്ല​ ​വെ​ജി​റ്റേ​റി​യ​ൻ​ ​ഭ​ക്ഷ​ണം​ ​കി​ട്ടു​മെ​ന്ന് ​ഞാ​ൻ​ ​പ​റ​ഞ്ഞെ​ങ്കി​ലും​ ​പോ​കു​ന്ന​ ​വ​ഴി​ക്ക് ​ക​ഴി​ക്കാ​മെ​ന്ന് ​ജ​യ​ൻ​ ​പ​റ​ഞ്ഞു.
''ച​ന്ദ്ര​ൻ​കു​ട്ടീ​""​യെ​ന്നാ​യി​രു​ന്നു​ ​ജ​യ​ൻ​ ​അ​പ്പോ​ഴെ​ന്നെ​ ​വി​ളി​ച്ച​ത്.​ ''ജ​യേ​ട്ടാ​ ​""​യെ​ന്ന് ​ഞാ​നും​ ​വി​ളി​ച്ചു.
ഡ​ബിം​ഗ് ​സ​മ​യ​ത്ത് ​എ​പ്പോ​ഴും​''​ച​ന്ദ്ര​ൻ​കു​ട്ടി...​ ​എ​ന്റെ​ ​ശ​ബ്ദം​ ​ക​റ​ക്ടാ​ണോ​?,​ ​മോ​ഡു​ലേ​ഷ​ൻ​ ​ഒാ.​കെ.​യാ​ണോ​"​യെ​ന്നൊ​ക്കെ​ ​ചോ​ദി​ക്കു​മാ​യി​രു​ന്നു.​ ​പോ​രാ​യ്മ​ക​ൾ​ ​പ​രി​ഹ​രി​ച്ച് ​മു​ൻ​നി​ര​യി​ലേ​ക്ക് ​ക​യ​റി​വ​രാ​നു​ള്ള​ ​അ​ദ​മ്യ​മാ​യ​ ​മോ​ഹം​ ​ആ​ ​ചോ​ദ്യ​ങ്ങ​ളി​ലു​ണ്ടാ​യി​രു​ന്നു. ഒ​റ്റ​ദി​വ​സം​ ​കൊ​ണ്ടു​ത​ന്നെ​ ​ജ​യേ​ട്ട​ൻ​ ​അ​ഗ്നി​പു​ഷ്പ​ത്തി​ന്റെ​ ​ഡ​ബിം​ഗ് ​പൂ​ർ​ത്തി​യാ​ക്കി.

''​ച​ന്ദ്ര​ൻ​കു​ട്ടി​ ​എ​ന്റെ​ ​റൂ​മി​ലേ​ക്ക് ​ഒ​ന്നു​വ​ര​ണം.""​ ​തി​രി​ച്ചു​പോ​കും​ ​മു​ൻ​പ് ​ജ​യേ​ട്ട​ൻ​ ​എ​ന്നോ​ട് ​പ​റ​ഞ്ഞു.
മു​റി​യി​ൽ​ ​ചെ​ന്ന​പ്പോ​ൾ​ ​എ​ന്റെ​ ​കൈ​ക​ളി​ലേ​ക്ക് ​ഒ​രു​കി​ലോ​ ​ചി​പ്‌​സും​ ​ശ​ർ​ക്ക​ര​വ​ര​ട്ടി​യു​മെ​ടു​ത്ത് ​ത​ന്നു.​ ​''ഞാ​നി​വി​ടെ​ ​വ​രു​മ്പോ​ൾ​ ​ആ​ർ​ക്കെ​ങ്കി​ലു​മൊ​ക്കെ​ ​കൊ​ടു​ക്കാ​മെ​ന്ന് ​വി​ചാ​രി​ച്ച് ​വെ​റു​തേ​ ​വാ​ങ്ങി​യ​താ​ണ്.​ ​ഇ​ത് ​ച​ന്ദ്ര​ൻ​കു​ട്ടി​ക്ക് ​ഇ​രി​ക്ക​ട്ടെ.​ ​""
അ​തൊ​രു​ ​നി​മി​ത്ത​മാ​യി​രു​ന്നു.​ ​ഒ​രു​ ​വ​ലി​യ​ ​സൗ​ഹൃ​ദ​ത്തി​ന്റെ​ ​തു​ട​ക്ക​മാ​യി​രു​ന്നു.​ ​മ​ദ്രാ​സി​ൽ​നി​ന്ന് ​ഞാ​ൻ​ ​എ​റ​ണാ​കു​ള​ത്ത് ​വ​രു​മ്പോ​ഴൊ​ക്കെ​ ​എ​ന്നെ​ ​വി​ളി​ക്കാ​ൻ​ ​ജ​യേ​ട്ട​ൻ​ ​കാ​റു​മാ​യി​ ​വ​രു​മാ​യി​രു​ന്നു.​ '' ​പ്രൊ​ഡ​ക്ഷ​ൻ​ ​കാ​റൊ​ന്നും​ ​വേ​ണ്ട.​ ​ഞാ​ൻ​ ​പോ​യി​ ​വി​ളി​ച്ചോ​ളാം.​ ​മ​ദ്രാ​സി​ൽ​ ​ഞാ​ൻ​ ​ആ​ദ്യ​മാ​യി​ ​ചെ​ന്ന​പ്പോ​ൾ​ ​എ​ന്നെ​ ​വി​ളി​ക്കാ​ൻ​ ​വ​ന്ന​ത് ​ച​ന്ദ്ര​ൻ​കു​ട്ടി​യാ​ണ്.​""
റെ​യി​ൽ​വേ​ ​സ്റ്റേ​ഷ​നി​ൽ​ ​ചെ​ന്നി​റ​ങ്ങു​മ്പോ​ഴേ​ ​ജ​യേ​ട്ട​ൻ​ ​പ​റ​യും​ ​''ഇ​വി​ടെ​ ​ന​ല്ല​ ​പു​ട്ടും​ ​ക​ട​ല​യു​മൊ​ക്കെ​ ​കി​ട്ടു​ന്ന​ ​ക​ട​ക​ളു​ണ്ട്.​ ​ന​മു​ക്ക് ​ക​ഴി​ച്ചി​ട്ട് ​പോ​കാം.​""
വ​ർ​ഷ​ങ്ങ​ളോ​ളം​ ​ഒ​രു​ ​ഫി​യ​റ്റ് ​കാ​റാ​ണ് ​ജ​യേ​ട്ട​ൻ​ ​ഉ​പ​യോ​ഗി​ച്ചി​രു​ന്ന​ത്.​ ​അ​ദ്ദേ​ഹ​ത്തി​ന് ​ഷൂ​ട്ടിം​ഗി​ല്ലാ​ത്ത​ ​ദി​വ​സ​ങ്ങ​ളി​ൽ​ ​ആ​ ​ഫി​യ​റ്റ് ​കാ​റി​ൽ​ ​എ​ന്നെ​ ​രാ​വി​ലെ​ ​ലൊ​ക്കേ​ഷ​നി​ൽ​ ​കൊ​ണ്ടു​വി​ടു​ന്ന​തും​ ​വൈ​കി​ട്ട് ​തി​രി​ച്ച് ​വി​ളി​ക്കാ​ൻ​ ​വ​രു​ന്ന​തു​മൊ​ക്കെ​ ​ജ​യേ​ട്ട​നാ​യി​രു​ന്നു.
തി​രി​ച്ച് ​നാ​ട്ടി​ലേ​ക്ക് ​പോ​കു​മ്പോ​ൾ​ ​ച​ക്ക​യു​ടെ​ ​സീ​സ​ണാ​ണെ​ങ്കി​ൽ​ ​വ​ലി​യ​ ​ഒ​ന്നോ​ ​ര​ണ്ടോ​ ​ച​ക്ക​ ​സം​ഘ​ടി​പ്പി​ച്ച് ​റെ​യി​ൽ​വേ​ ​സ്റ്റേ​ഷ​നി​ൽ​ ​യാ​ത്ര​യ​യ്ക്കാ​ൻ​ ​വ​രു​മ്പോ​ൾ​ ​കൊ​ണ്ടു​വ​രും.
''മ​ദ്രാ​സി​ൽ​ ​കി​ട്ടാ​ത്ത​ ​സാ​ധ​ന​മ​ല്ലേ...​ച​ന്ദ്ര​ൻ​കു​ട്ടി​ ​കൊ​ണ്ടു​പോ​യി​ ​എ​ല്ലാ​ർ​ക്കും​ ​കൊ​ടു​ക്ക​ണം.​"" ഞ​ങ്ങ​ൾ​ക്കൊ​പ്പ​മു​ണ്ടാ​യി​രു​ന്ന​ ​ഡോ.​ ​ബാ​ല​കൃ​ഷ്ണ​ൻ​ ​സം​വി​ധാ​യ​ക​നാ​യി​ ​മാ​റി​യ​ത് ​ആ​യി​ട​യ്ക്കാ​ണ്.​ ​ആ​ലു​വ​ ​പാ​ല​സി​ലാ​യി​രു​ന്നു​ ​പ​ല​ ​സി​നി​മ​ക​ളു​ടെ​യും​ ​ഷൂ​ട്ടിം​ഗ്.​ ​ഞാ​ൻ​ ​ഡോ.​ ​ബാ​ല​കൃ​ഷ്ണ​നോ​ട് ​ജ​യേ​ട്ട​നെ​പ്പ​റ്റി​ ​പ​റ​ഞ്ഞി​രു​ന്നു.​ ​ലൗ​ ​ലെ​റ്റ​ർ,​ ​ക​ല്യാ​ണ​പ്പ​ന്ത​ൽ,​ ​രാ​ജ​പ​ര​മ്പ​ര​ ​തു​ട​ങ്ങി​യ​ ​ഡോ​ക്ട​റു​ടെ​ ​സി​നി​മ​ക​ളി​ലെ​ല്ലാം​ ​ജ​യേ​ട്ട​ന് ​ഡോ​ക്ട​ർ​ ​വേ​ഷം​ ​ന​ൽ​കി​യി​രു​ന്നു.

ഷൂ​ട്ടിം​ഗ് ​ക​ഴി​ഞ്ഞാ​ൽ​ ​ഞ​ങ്ങ​ൾ​ ​വൈ​കു​ന്നേ​ര​ങ്ങ​ളി​ൽ​ ​ആ​ലു​വാ​പ്പു​ഴ​യി​ലി​റ​ങ്ങി​ ​കു​ളി​ക്കും.​ ​അ​ക്ക​രെ​വ​രെ​ ​നീ​ന്തും.​ ​വൈ​കി​ട്ട് ​ഏ​ഴ് ​മു​ത​ൽ​ ​ഒ​ൻ​പ​തു​വ​രെ​ ​അ​തൊ​രു​ ​പ​തി​വാ​യി​രു​ന്നു.
അ​സി​സ്റ്റ​ന്റ് ​ഡ​യ​റ​ക്ട​ർ​മാ​രോ​ട് ​ഒ​ര​ല്പം​ ​ഇ​ഷ്ട​ക്കൂ​ടു​ത​ലു​ണ്ടാ​യി​രു​ന്നു​ ​ജ​യേ​ട്ട​ന്.​ ​പ്ര​തി​ഫ​ലം​ ​വാ​ങ്ങി​ക്ക​ഴി​ഞ്ഞാ​ൽ​ ​എ​ല്ലാ​ ​അ​സി​സ്റ്റ​ന്റ് ​ഡ​യ​റ​ക്ടേ​ഴ്സി​ന്റെ​യും​ ​പോ​ക്ക​റ്റി​ൽ​ ​കു​റെ​ ​പ​ണം​ ​തി​രു​കി​വ​യ്ക്കു​മാ​യി​രു​ന്നു​ ​അ​ദ്ദേ​ഹം.
ഒ​രു​പാ​ട് ​പ​ണം​ ​സ​മ്പാ​ദി​ക്ക​ണ​മെ​ന്നോ​ ​കോ​ടീ​ശ്വ​ര​നാ​ക​ണ​മെ​ന്നോ​ ​ഒ​ന്നു​മു​ണ്ടാ​യി​രു​ന്നി​ല്ല​ ​ജ​യേ​ട്ട​ന്.​ ​ഞാ​ൻ​ ​സം​വി​ധാ​യ​ക​നാ​യി​ക്ക​ഴി​ഞ്ഞ​പ്പോ​ൾ​ ​എ​ല്ലാ​വ​രു​ടെ​യും​ ​മു​ന്നി​ൽ​വ​ച്ച് ​എ​ന്നെ​ ​ച​ന്ദ്ര​ൻ​സാ​ർ​ ​എ​ന്നേ​ ​വി​ളി​ക്കു​മാ​യി​രു​ന്നു​ള്ളൂ.​ ​അ​ല്ലാ​ത്ത​പ്പോ​ഴെ​ല്ലാം​ ​പ​ഴ​യ​പോ​ലെ​ ​ച​ന്ദ്ര​ൻ​കു​ട്ടീ​ന്ന് ​ത​ന്നെ​ ​വി​ളി​ച്ചു.
ഒ​രു​ ​കൈ​ ​ചെ​യ്യു​ന്ന​ത് ​മ​റു​കൈ​ ​അ​റി​യാ​തി​രി​ക്കാ​ൻ​ ​അ​ദ്ദേ​ഹം​ ​ശ്ര​ദ്ധി​ച്ചി​രു​ന്നു.​ ​ആ​രെ​ ​സ​ഹാ​യി​ച്ചാ​ലും​ ​അ​താ​രു​മ​റി​യാ​തെ​ ​ര​ഹ​സ്യ​മാ​ക്കി​വ​യ്ക്കാ​ൻ​ ​ജ​യേ​ട്ട​ൻ​ ​മ​ന​സ് ​വ​ച്ചു.
ഞാ​ൻ​ ​സം​വി​ധ​നാം​ ​ചെ​യ്ത​ ​ആ​ദ്യ​ ​ചി​ത്ര​മാ​യ​ ​മ​ന​സൊ​രു​ ​മ​യി​ലി​ൽ​ ​ജ​യേ​ട്ട​ൻ​ ​വി​ല്ല​നാ​യി​രു​ന്നു.​ ​അ​ദ്ദേ​ഹ​ത്തി​ന് ​ചി​ത്രീ​ക​ര​ണ​ത്തി​നി​ട​യ്ക്ക് ​ഒ​രു​ ​അ​പ​ക​ടം​ ​സം​ഭ​വി​ച്ചു.​ ​ആ​ ​സെ​റ്റി​ൽ​ ​വ​ച്ചാ​യി​രു​ന്നു​ ​ഒ​രു​ ​കാ​ർ​ ​ചേ​യ്സ് ​ചി​ത്രീ​ക​രി​ക്കു​ന്ന​തി​നി​ട​യി​ലാ​യി​രു​ന്നു​ ​അ​ത്.​ ​ഷൂ​ട്ട് ​ചെ​യ്യാ​നു​ള്ള​ ​സൗ​ക​ര്യ​ത്തി​ന് ​മൂ​ടി​യി​ല്ലാ​ത്ത​ ​പ​ഴ​യ​ ​ഇം​പാ​ല​ ​കാ​റാ​ണ് ​ഉ​പ​യോ​ഗി​ച്ചി​രു​ന്ന​ത്.​ ​ജ​യേ​ട്ട​നും​ ​ജ​യ​ഭാ​ര​തി​യും​ ​ഒാ​ടി​ക്കു​ന്ന​ ​കാ​റി​നെ​ ​മ​റ്റൊ​രു​ ​കാ​റി​ൽ​ ​വി​ൻ​സെ​ന്റ് ​ചേ​സ് ​ചെ​യ്യു​ന്നു.​ ​മ​ഹാ​ബ​ലി​പു​ര​ത്തേ​ക്ക് ​പോ​കു​ന്ന​ ​ക​ട​ലോ​ര​പാ​ത​യി​ലാ​യി​രു​ന്നു​ ​ഷൂ​ട്ടിം​ഗ്.​ ​കാ​റി​ന്റെ​ ​ബീ​ഡിം​ഗ് ​ത​ക​ർ​ന്ന് ​ഞാ​നും​ ​കാ​മ​റാ​മാ​ൻ​ ​ആ​ന​ന്ദ​ക്കു​ട്ട​നും​ ​പു​റ​ത്തേ​ക്ക് ​തെ​റി​ച്ചു​വീ​ണു.​ ​ജ​യേ​ട്ട​ൻ​ ​റോ​ഡി​ന​രി​കി​ലെ​ ​മ​ണ​ലി​ലേ​ക്ക് ​കാ​ർ​ ​ക​യ​റ്റി​ ​നി​റു​ത്തി.​ '​'​എ​ന്ത് ​പ​റ്റി​ ​കു​ട്ടി​ക​ളേ""യെ​ന്ന് ​ചോ​ദി​ച്ച് ​ചാ​ടി​യി​റ​ങ്ങി.​ ​മ​ണ​ലി​ലൂ​ടെ​ ​ചാ​ടി​യു​രു​ണ്ട് ​വ​ന്ന് ​ജ​യേ​ട്ട​ൻ​ ​ഞ​ങ്ങ​ളെ​ ​വാ​രി​യെ​ടു​ത്തു.

കൈ​യി​ലി​രു​ന്ന​ ​വി​ല​കൂ​ടി​യ​ ​എ​ക്‌​സ്‌​പോ​ഷ​ർ​ ​മീ​റ്റ​ർ​ ​പൊ​ട്ടി​യോ​ ​എ​ന്ന​ത് ​മാ​ത്ര​മാ​യി​രു​ന്നു​ ​ആ​ന​ന്ദ​ക്കു​ട്ട​ന്റെ​ ​ടെ​ൻ​ഷ​ൻ.​ ​എ​ന്റെ​ ​കൈ​യി​ലെ​ ​എ​ല്ല് ​ഒ​ടി​ഞ്ഞി​രു​ന്നു.
ആ​ശു​പ​ത്രി​യി​ൽ​ ​കൊ​ണ്ടു​പോ​യ​ ​ജ​യേ​ട്ട​ൻ​ ​അ​തു​ക​ഴി​ഞ്ഞ് ​ഞ​ങ്ങ​ളെ​ ​പാം​ഗ്രോ​വി​ൽ​ ​അ​ദ്ദേ​ഹ​ത്തി​ന്റെ​ ​മു​റി​യി​ൽ​ ​കൊ​ണ്ടു​പോ​യി​ ​വി​ശ്ര​മി​ക്കാ​ൻ​ ​നി​ർ​ദ്ദേ​ശി​ച്ചു.
ര​ണ്ടു​ദി​വ​സം​ ​ക​ഴി​ഞ്ഞാ​ണ് ​പി​ന്നീ​ട് ​ആ​ ​ചേ​യ്സ് ​പൂ​ർ​ത്തീ​ക​രി​ച്ച​ത്.
എ​നി​ക്ക് ​അ​ന്ന് ​ഒ​രു​ ​ബു​ള്ള​റ്റു​ണ്ടാ​യി​രു​ന്നു.​ ​മ​ന​സൊ​രു​ ​മ​യി​ലി​ൽ​ ​ജ​യേ​ട്ട​ൻ​ ​ഒാ​ടി​ക്കു​ന്ന​ത് ​ആ​ ​ബു​ള്ള​റ്റാ​ണ്.​ ​പി​ന്നീ​ട് ​ഞാ​ൻ​ ​സം​വി​ധാ​നം​ ​ചെ​യ്യാ​ത്ത​ ​സി​നി​മ​ക​ളി​ലും​ ​ബു​ള്ള​റ്റോ​ടി​ക്കു​ന്ന​ ​സീ​നു​ണ്ടെ​ങ്കി​ൽ""ച​ന്ദ്ര​ൻ​ ​സാ​റി​ന്റെ​ ​ബു​ള്ള​റ്റെ​ടു​ക്കാ​'​'​മെ​ന്ന് ​ജ​യേ​ട്ട​ൻ​ ​പ​റ​യു​മാ​യി​രു​ന്നു.
'​'​ച​ന്ദ്ര​ൻ​ ​സാ​ർ.​ ​ഇ​ന്ന് ​ബു​ള്ള​റ്റ് ​കൊ​ടു​ത്തു​വി​ട​ണം​ ​ഒ​ന്ന് ​കു​ളി​പ്പി​ച്ചെ​ടു​ക്കാ​നാ​?"" ജ​യേ​ട്ട​ൻ​ ​എ​നി​ക്ക് ​ഫോ​ൺ​ ​ചെ​യ്യും.​ ​പാ​ല​ത്തി​ന് ​മു​ക​ളി​ൽ​ ​നി​ന്ന് ​ബൈ​ക്കി​ൽ​ ​പു​ഴ​യി​ലേ​ക്ക് ​ചാ​ടു​ന്ന​ ​സീ​നാ​യി​രി​ക്കും​ ​അ​ന്ന് ​ചി​ത്രീ​ക​രി​ക്കു​ക.​ ​അ​തി​നാ​ണ്​ "" ​കു​ളി​പ്പി​ച്ചെ​ടു​ക്കാ​നാ​ ​'​'​യെ​ന്ന് ​പ​റ​യു​ന്ന​ത്.
ച​ന്ദ്ര​ൻ​സാ​റി​ന്റെ​ ​ബു​ള്ള​റ്റ് ​എ​നി​ക്ക് ​രാ​ശി​യാ​ണെ​ന്ന് ​ജ​യേ​ട്ട​ൻ​ ​എ​പ്പോ​ഴും​ ​പ​റ​യു​മാ​യി​രു​ന്നു.​ ​അ​തി​ൽ​നി​ന്ന് ​ഒ​ര​പ​ക​ട​വും​ ​അ​ദ്ദേ​ഹ​ത്തി​ന് ​സം​ഭ​വി​ച്ചി​ല്ല.

ഷൂ​ട്ടിം​ഗ് ​ക​ഴി​ഞ്ഞ് ​ബു​ള്ള​റ്റ് ​സ​ർ​വീ​സ് ​ചെ​യ്ത് ​വീ​ട്ടി​ലെ​ത്തി​ക്കും.​ ​വീ​ണ്ടും​ ​ആ​വ​ശ്യം​ ​വ​രു​മ്പോ​ൾ​ ​കൊ​ണ്ടു​പോ​കും.
എ​ത്ര​ ​അ​പ​ക​ടം​ ​പി​ടി​ച്ച​ ​രം​ഗ​ങ്ങ​ളി​ല​ഭി​ന​യി​ക്കാ​നും​ ​ജ​യേ​ട്ട​ൻ​ ​നോ​ ​പ​റ​ഞ്ഞി​ട്ടി​ല്ല.​ ​ആ​വേ​ശ​ത്തോ​ടെ​ ​ചെ​യ്തു.​ ​ആ​ ​ആ​വേ​ശം​ ​ത​ന്നെ​യാ​ണ് ​അ​ദ്ദേ​ഹ​ത്തെ​ ​ന​മു​ക്ക് ​ന​ഷ്ട​മാ​ക്കി​യ​തും.
ഞാ​ൻ​ ​ചെ​യ്ത​ ​അ​നു​ഭൂ​തി​ക​ളു​ടെ​ ​നി​മി​ഷം​ ​ഒ​രു​ ​തെ​ലു​ങ്ക് ​സി​നി​മ​യു​ടെ​ ​റീ​മേ​ക്കാ​യി​രു​ന്നു.​ ​ആ​ ​സി​നി​മ​യി​ലും​ ​നെ​ഗ​റ്റീ​വ് ​ട​ച്ചു​ള്ള​ ​വേ​ഷ​മാ​യി​രു​ന്നു​ ​ജ​യേ​ട്ട​ന്.​ ​സോ​മ​നും​ ​ശാ​ര​ദ​യും​ ​സീ​മ​യും​ ​ക​വി​യൂ​ർ​ ​പൊ​ന്ന​മ്മ​യും​ ​കെ.​പി.​ ​ഉ​മ്മ​റു​മാ​യി​രു​ന്നു​ ​മ​റ്റു​ ​അ​ഭി​നേ​താ​ക്ക​ൾ.
എ​ന്റെ​ ​ബു​ള്ള​റ്റി​ൽ​ ​ആ​ ​സി​നി​മ​യി​ലെ​ ​ജ​യേ​ട്ട​ൻ​ ​കു​റെ​ ​സാ​ഹ​സി​ക​ ​രം​ഗ​ങ്ങ​ൾ​ ​ചെ​യ്തി​ട്ടു​ണ്ട്.
ജ​യേ​ട്ട​ൻ​ ​പ​ല​ ​സി​നി​മ​ക​ളി​ലും​ ​ക്ളാ​ഷ് ​വ​ർ​ക്ക് ​ചെ​യ്യാ​ൻ​ ​എ​ന്നെ​ ​വി​ളി​ച്ചി​ട്ടു​ണ്ട്.​ ​അ​ട​വു​ക​ൾ​ 18​ ​എ​ന്ന സി​നി​മയി​ൽ അ​ദ്ദേ​ഹം​ ​പു​ലി​ക്കു​ട്ടി​യു​മാ​യി​ ​ഫൈ​റ്റ് ​ചെ​യ്യു​ന്ന​ ​രം​ഗ​ങ്ങ​ളു​ണ്ടാ​യി​രു​ന്നു.​​ ​പു​ലി​ക്കു​ട്ടി​യു​മാ​യു​ള്ള​ ​ഫൈ​റ്റ് ​ചി​ത്രീ​ക​രി​ച്ച​ത് ​ഞാ​നാ​യി​രു​ന്നു.​ ​ആ​ക്ഷ​ൻ​ ​രം​ഗ​ങ്ങ​ൾ​ ​ചി​ത്രീ​ക​രി​ക്കു​മ്പോ​ൾ​ ​പ​ല​പ്പോ​ഴും​ ​ജ​യേ​ട്ട​ൻ​ ​എ​ന്നെ​ ​വി​ളി​ക്കു​മാ​യി​രു​ന്നു.​ ​'​'​ച​ന്ദ്ര​ൻ​സ​ർ...​ ​വ​ന്നൊ​ന്ന് ​ഹെ​ൽ​പ്പ് ​ചെ​യ്യ​ണം.​'​'​ ​അ​തി​സാ​ഹ​സി​ക​ ​രം​ഗ​ങ്ങ​ൾ​ ​ചി​ത്രീ​ക​രി​ക്കാ​ൻ​ ​എ​നി​ക്കും​ ​ഇ​ഷ്ട​മാ​യി​രു​ന്നു""​​ച​ന്ദ്രാ..​ ​ച​ന്ദ്ര​ന് ​ആ​വേ​ശം​ ​കൂ​ടു​ത​ലാ​ണ്.​ ...​ ​വേ​ണ്ടാ​'​'​ ​എ​ന്നൊ​ക്കെ​പ്പ​റ​ഞ്ഞ് ​ആ​ന​ന്ദ​ക്കു​ട്ട​ൻ​ ​എ​ന്നെ​ ​വ​ഴ​ക്ക് ​പ​റ​യു​മാ​യി​രു​ന്നു.
രാ​ജ് ​ഖോ​സ്‌​ലെ​ ​സം​വി​ധാ​നം​ ​ചെ​യ്ത​ ​മേ​ ​തു​ള​സി​ ​തേ​രി​ ​ആ​ങ്ക​ൻ​ ​കി​ ​എ​ന്ന​ ​ഹി​ന്ദി​ ​സി​നി​മ​യു​ടെ​ ​റീ​മേ​ക്കാ​യി​രു​ന്നു​ ​ഞാ​ൻ​ ​സം​വി​ധാ​നം​ ​ചെ​യ്ത​ ​ദീ​പം.​ ​സെ​ഞ്ച്വ​റി​ ​ര​ഞ്ജി​ ​മാ​ത്യു​ ​നി​ർ​മ്മി​ച്ച​ ​ആ​ദ്യ​ ​സി​നി​മ​യാ​യി​രു​ന്നു​ ​അ​ത്.​ ​സൂ​ര്യ​ ​പി​ക്ച്ചേ​ഴ്സ് ​സ്വാ​മി​നാ​ഥ​നാ​യി​രു​ന്നു​ ​പാ​ർ​ട്ട്ണ​ർ.
അ​തി​ന് ​മു​ൻ​പ് ​ജ​യേ​ട്ട​നി​ല്ലാ​ത്ത​ ​കു​റെ​ ​സി​നി​മ​ക​ൾ​ ​ഞാ​ൻ​ ​ചെ​യ്തി​ട്ടു​ണ്ട്.​ ​ഞാ​ൻ​ ​സം​വി​ധാ​നം​ ​ചെ​യ്ത​ ​കാ​വ​ൽ​മാ​ട​ത്തി​ന്റെ​ ​സെ​റ്റി​ലൊ​ക്കെ​ ​ജ​യേ​ട്ട​ൻ​ ​എ​ന്നെ​ ​കാ​ണാ​ൻ​ ​വ​ന്നി​ട്ടു​ണ്ട്.​ ​വ​രു​മ്പോ​ഴൊ​ക്കെ​ ​എ​ന്തെ​ങ്കി​ലും​ ​വാ​ങ്ങി​ക്കൊ​ണ്ടു​വ​രും.
കാ​വ​ൽ​മാ​ടം​ ​റി​ലീ​സാ​യ​ ​സ​മ​യ​ത്താ​യി​രു​ന്നു​ ​ദീ​പ​ത്തി​ന്റെ​ ​ഷൂ​ട്ടിം​ഗ്.​ ​ന​ല്ല​ ​സി​നി​മ​യാ​യി​രു​ന്നു​വെ​ങ്കി​ലും​ ​വേ​ണ്ട​ത്ര​ ​ക​ള​ക്ട് ​ചെ​യ്യാ​ത്ത​തി​ന്റെ​ ​സ​ങ്ക​ടം​ ​പ​റ​യാ​ൻ​ ​ദീ​പ​ത്തി​ന്റെ​ ​സെ​റ്റി​ൽ​ ​ഒ​രു​ദി​വ​സം​ ​കാവൽ മാടത്തി​ന്റെ നി​ർ​മ്മാ​താ​വ് ​അ​ഗ​സ്റ്റി​ൻ​ ​പ്ര​കാ​ശ് ​കാ​ണാ​ൻ​വ​ന്നു.​ ​ശു​ദ്ധ​നാ​യ​ ​ആ​ ​മ​നു​ഷ്യ​ൻ​ ​ഒ​രു​ ​കൊ​ച്ചു​കു​ട്ടി​യെ​ ​പോ​ലെ​ ​എ​ന്റെ​ ​മു​ന്നി​ൽ​ ​നി​ന്ന് ​ക​ര​ഞ്ഞു.
ഞാ​ൻ​ ​ര​ഞ്ജി​ ​മാ​ത്യു​വി​ന്റെ​ ​കൈ​യി​ൽ​ ​നി​ന്ന് ​കു​റ​ച്ചു​ ​പ​ണം​ ​വാ​ങ്ങി​ ​അ​ഗ​സ്റ്റി​ൻ​ ​പ്ര​കാ​ശി​നെ​ ​ഏ​ല്പി​ച്ചി​ട്ട് ​ജ​യ​ന് ​ഇ​രു​പ​ത്തി​യ​യ്യാി​രം​ ​രൂ​പ​ ​അ​ഡ്വാ​ൻ​സ് ​ന​ൽ​കി​ ​അ​ടു​ത്ത​ ​പ​ട​ത്തി​ലേ​ക്ക് ​ബു​ക്ക് ​ചെ​യ്യാ​ൻ​ ​പ​റ​ഞ്ഞു.​ ​ഒ​പ്പ​മു​ണ്ടാ​യി​രു​ന്ന​ ​സീ​മ​യ്ക്കും​ ​പ​തി​നാ​യി​രം​ ​രൂ​പ​ ​അ​ഡ്വാ​ൻ​സ് ​ന​ൽ​കാ​ൻ​ ​പ​റ​ഞ്ഞു.

'​'​ഏ​യ് ​കാ​ശ് ​കൈ​യി​ൽ​ ​വ​യ്ക്കൂ..​ ​ച​ന്ദ​ൻ​ ​സാ​റി​ന്റെ​ ​കൈ​യി​ൽ​നി​ന്ന് ​കാ​ശ് ​വാ​ങ്ങി​ ​എ​നി​ക്ക് ​ത​രു​ന്നോ​?​ ​എ​ന്തി​നാ​ണ​ത്.​""
കാ​ശ് ​വാ​ങ്ങാ​തെ​ ​ത​ന്നെ​ ​ജ​യേ​ട്ട​ൻ​ ​ഡേ​റ്റ് ​ന​ൽ​കി.​ ​സീ​മ​യും​ ​കാ​ശ് ​വാ​ങ്ങി​യി​ല്ല.
'​'​​ന​മ്മ​ൾ​ ​ത​മ്മി​ൽ​ ​ഒ​രു​പ​ടം​ ​ചെ​യ്യാ​ൻ​ ​ച​ന്ദ്ര​ൻ​സാ​ർ​ ​കാ​ശ് ​കൊ​ടു​ത്തി​ട്ട് ​പ്രൊ​ഡ്യൂ​സ​ർ​ ​എ​നി​ക്ക് ​അ​ഡ്വാ​ൻ​സ് ​ത​ര​ണോ​""​യെ​ന്ന് ​ജ​യേ​ട്ട​ൻ​ ​എ​ന്നോ​ട് ​പ​രി​ഭ​വം​ ​പ​റ​ഞ്ഞു.
ഷൂ​ട്ടിം​ഗ് ​ക​ഴി​ഞ്ഞ് ​ഞ​ങ്ങ​ളൊ​രു​മി​ച്ച് ​എ​റ​ണാ​കു​ളം​ ​ന​ഗ​ര​ത്തി​ലൂ​ടെ​ ​കാ​റോ​ടി​ച്ച് ​പോ​യി.​ ​മ​റൈ​ൻ​ ​ഡ്രൈ​വി​ന​ടു​ത്ത് ​കാ​ർ​ ​നി​റു​ത്തി​ ​ഞ​ങ്ങ​ൾ​ ​കു​റെ​ ​സം​സാ​രി​ച്ചു.​ ​ഷോ​ലെ​ ​ക​ണ്ട​പ്പോ​ൾ​ ​മു​ത​ൽ​ ​കു​തി​ര​ക​ളെ​യൊ​ക്കെ​ ​വ​ച്ച് ​ഒ​രു​ ​സി​നി​മ​ ​ചെ​യ്യ​ണ​മെ​ന്ന് ​ഞാ​ൻ​ ​ആ​ഗ്ര​ഹി​ച്ചി​രു​ന്നു.​ ​ക​ഥ​യു​ടെ​ ​ഒൗ​ട്ട് ​ലൈ​ൻ​ ​കേ​ട്ട​പ്പോ​ൾ​ ​ജ​യേ​ട്ട​ൻ​ ​ത്രി​ല്ലി​ലാ​യി.​ ​അ​ദ്ദേ​ഹ​ത്തി​ന്റെ​ ​ഫി​യ​റ്റ് ​കാ​റി​ലാ​യി​രു​ന്നു​ ​ലൊ​ക്കേ​ഷ​ൻ​ ​കാ​ണാ​ൻ​ ​പോ​ലും​ ​പോ​യ​ത്.

ചെ​ങ്ക​ൽ​പ്പേ​ട്ടി​ന​ടു​ത്തു​ള്ള​ ​മ​ല​നി​ര​ക​ൾ​ ​പ​ശ്ചാ​ത്ത​ല​മാ​യി​ ​വ​രു​ന്ന​ ​ത​ടാ​ക​ക്ക​ര​ ​ലൊ​ക്കേ​ഷ​നാ​യി​ ​തീ​രു​മാ​നി​ച്ചു.
ആ​ ​മ​ല​യി​ൽ​ ​ഒ​രു​ഗു​ഹ​യു​ടെ​ ​സെ​റ്റി​ട്ടു.​ ​ഗു​ഹ​യ്ക്കു​ള്ളി​ലേ​ക്കാ​ണ് ​കു​തി​ര​ക​ൾ​ ​ഒാ​ടി​ക്ക​യ​റേ​ണ്ട​തും​ ​ഒാ​ടി​യി​റ​ങ്ങേ​ണ്ട​തും.​ ​ത​ട​വ​റയെന്ന ​ ​സി​നി​മ​ ​അ​നൗ​ൺ​സ് ​ചെ​യ്ത​പ്പോ​ഴേ​ ​ഡി​സ്ട്രി​ബ്യൂ​ട്ട​ർ​മാ​ർ​ ​തേ​ടി​വ​ന്നു.
അ​ഗ​സ്റ്റി​ൻ​ ​പ്ര​കാ​ശ് ​വി​ചാ​രി​ച്ച​തി​നേ​ക്കാ​ൾ​ ​ബി​സി​ന​സ് ​ആ​ ​സി​നി​മ​യ്ക്ക് ​ന​ട​ന്നു.​ ​ആ​ ​സി​നി​മ​ ​സൂ​പ്പ​ർ​ ​ഹി​റ്റാ​യി.​ ​ത​ട​വ​റ​യ്ക്ക് ​മു​ൻ​പ് ​ദീ​പ​ത്തി​ൽ​ ​ഹോ​ഴ്സ് ​പോ​ളോ​ ​രം​ഗ​ങ്ങ​ൾ​ ​ഞാ​ൻ​ ​ചി​ത്രീ​ക​രി​ച്ചി​രു​ന്നു.
ത​ട​വ​റ​യു​ടെ​ ​പ്രി​വ്യൂ​ ​ക​ണ്ട് ​ജ​യേ​ട്ട​ൻ​ ​എ​ന്നെ​ ​കെ​ട്ടി​പ്പി​ടി​ച്ചു.
'' ​ഇ​തി​നേ​ക്കാ​ൾ​ ​വ​ലി​യ​ ​ഒ​രു​ ​സി​നി​മ​ ​ന​മു​ക്ക് ​ചെ​യ്യ​ണം."" ഒ​രു​ ​ച​രി​ത്ര​ ​സി​നി​മ​ ​ചെ​യ്യ​ണ​മെ​ന്ന് ​ജ​യേ​ട്ട​ൻ​ ​ഒ​രു​പാ​ട് ​ആ​ഗ്ര​ഹി​ച്ചി​രു​ന്നു.
ശി​വാ​ജി​ ​ഗ​ണേ​ശ​ൻ​ ​അ​ഭി​ന​യി​ച്ച​ ​ക​ർ​ണ്ണ​ൻ​ ​മ​ല​യാ​ള​ത്തി​ൽ​ ​ചെ​യ്യ​ണ​മെ​ന്ന് ​ജ​യേ​ട്ട​ന് ​ആ​ഗ്ര​ഹ​മു​ണ്ടാ​യി​രു​ന്നു.​ ​പ​ക്ഷേ.....