കൊച്ചി: സംസ്ഥാന പിന്നാക്ക സമുദായ വികസന വകുപ്പിന്റെ ജോബ് ഗ്യാരന്റി കോഴ്‌സിലേക്ക് അപേക്ഷ ക്ഷണിച്ചു. ഓട്ടോമൊബൈൽ, മെക്കാനിക്കൽ (ബി.ടെക്., ഐ.ടി.ഐ., ഡിപ്ലോമ, വി.എച്ച്.എസ്.സി., കെ.ജി.സി.ഇ) എന്നീ ട്രേഡുകളിൽ പാസായ ഒ.ബി.സി വിദ്യാർത്ഥികൾക്ക് അപേക്ഷിക്കാം. എട്ടുമാസമാണ് പഠനകാലാവധി. പ്രതിമാസം 4000 രൂപ സ്‌റ്റൈപ്പെൻഡ് ലഭിക്കും. എറണാകുളത്തും പാലക്കാടുമാണ് സെന്ററുകൾ. പരിശീലനത്തിനായുള്ള അഭിമുഖം നവംബർ അഞ്ചിന് എറണാകുളത്തും ആറിന് പാലക്കാട്ടും നടക്കും. രജിസ്‌ട്രേഷന് - 9846019500, 0484-2390516.