തിരുവനന്തപുരം: സംസ്ഥാനത്ത് ഇന്ന് മുതൽ നവംബർ 4 വരെ അഞ്ച് ദിവസങ്ങളിൽ ശക്തമായ മഴയ്‌ക്ക് സാദ്ധ്യതയുണ്ടെന്ന് മുന്നറിയിപ്പ്. കേന്ദ്ര കാലാവസ്ഥാ വകുപ്പ് നൽകുന്ന മുന്നറിയിപ്പ് അനുസരിച്ച് അഞ്ച് ദിവസം ശക്തമായ കാ‌റ്റിനും ഇടിയോടുകൂടിയ മഴയ്‌‌ക്കും സാദ്ധ്യതയുണ്ട്. ഇന്ന് തിരുവനന്തപുരം മുതൽ ‌കണ്ണൂ‌ർ വരെ 13 ജില്ലകളിൽ യെല്ലോ അലർട്ടാണ്.

നാളെ നവംബർ ഒന്നിന് തിരുവനന്തപുരം മുതൽ വയനാട് വരെ 12 ജില്ലകളിലും യെല്ലോ അലർട്ട് പ്രഖ്യാപിച്ചു. ഇവിടെ ഒറ്റപ്പെട്ട ശക്തമായ മഴ സാദ്ധ്യതയുണ്ട്. നവംബർ രണ്ടിനും 12 ജില്ലകളിൽ യെല്ലോ അലർട്ടുണ്ട്.

നവംബർ മൂന്നിന് തിരുവനന്തപുരം മുതൽ വയനാട് വരെ കോഴിക്കോട് ഒഴികെ ജില്ലകളിൽ യെല്ലോ അലർട്ട്. നവംബർ നാലിന് കാസർകോട് ഒഴികെ 13 ജില്ലകളിലും യെല്ലോ അലർട്ടും പ്രഖ്യാപിച്ചു. മലയാരങ്ങളിൽ ഈ ദിവസങ്ങളിൽ കനത്തമഴയാകുമെന്നതിനാൽ ഓറഞ്ച് അലർട്ടിന് തുല്യമായ ജാഗ്രത പാലിക്കണമെന്നാണ് അറിയിപ്പ്.