പാലക്കാട്: അന്താരാഷ്ട്ര ബാലികാ ദിനാചരണത്തിന്റെ ഭാഗമായി ജില്ലാ ശിശു സംരക്ഷണ യൂണിറ്റ് വനിതാ ശിശു വികസന വകുപ്പ് പുറത്തിറക്കിയ ശൈശവ വിവാഹത്തിനെതിരെയുള്ള 'പൊൻവാക്ക്' പോസ്റ്റർ പ്രകാശനവും ജില്ലാ ശിശുസംരക്ഷണ യൂണിറ്റിനും വനിത ശിശു വികസന വകുപ്പിനും വേണ്ടി ജില്ലാ ഇൻഫർമേഷൻ ഓഫീസ് തയ്യാറാക്കിയ ബാലികാ ദിന സന്ദേശം ഉൾക്കൊള്ളിച്ച വീഡിയോ പ്രകാശനവും ജില്ലാ പഞ്ചായത്ത് പ്രസിഡന്റ് കെ. ബിനുമോൾ നിർവഹിച്ചു.
ജില്ലാ പഞ്ചായത്തിൽ നടന്ന പരിപാടിയിൽ ജില്ലാ വനിതാ ശിശു വികസന ഓഫീസർ കെ.കെ. ചിത്രലേഖ, ജില്ലാ ഇൻഫർമേഷൻ ഓഫീസർ പ്രിയ കെ. ഉണ്ണിക്കൃഷ്ണൻ, ജില്ലാ ശിശു സംരക്ഷണ ഓഫീസർ എസ്. ശുഭ, മഹിളാ ശക്തി കേന്ദ്ര വനിതാ ക്ഷേമ ഓഫീസർ റൂബി സേവ്യർ എന്നിവർ പങ്കെടുത്തു.