പാലക്കാട്: ജില്ലയിൽ നിലവിൽ നാല് താലൂക്കുകളിലായി എട്ട് ദുരിതാശ്വാസ ക്യാമ്പുകൾ പ്രവർത്തിക്കുന്നുണ്ടെന്ന് ജില്ലാ ദുരന്തനിവാരണ അതോറിട്ടി അറിയിച്ചു. എട്ട് ക്യാമ്പുകളിലായി 162 കുടുംബങ്ങളിലെ 436 പേരാണ് കഴിയുന്നത്.

മണ്ണാർക്കാട് താലൂക്കിൽ കാഞ്ഞിരപ്പുഴ പഞ്ചായത്തിലെ പൊറ്റശ്ശേരി ഹോളി ഫാമിലി കോൺവെന്റ് യു.പി സ്‌കൂൾ, കാരാപ്പാടം എൽ പി സ്‌കൂൾ, പൊറ്റശ്ശേരി ഗവ. യു.പി സ്‌കൂളുകളിലെ ക്യാമ്പിൽ നിലവിൽ 103 കുടുംബങ്ങളിലെ 283 പേരാണുള്ളത്. ഒറ്റപ്പാലം താലൂക്കിലെ കാരാട്ട്കുറിശി എൽ.പി സ്‌കൂളിലും കീഴൂർ യു.പി സ്‌കൂളിലുമായി 25 കുടുംബങ്ങളിലെ 79 പേർ താമസിക്കുന്നുണ്ട്. ആലത്തൂർ താലൂക്കിലെ ഉപ്പുമണ്ണ് പാറശ്ശേരി അങ്കൺവാടിയിൽ ഒരു കുടുംബങ്ങളിലെ രണ്ട് പേരുമുണ്ട്. അട്ടപ്പാടി ട്രൈബൽ താലൂക്കിൽ മുക്കാലി പ്രീമെട്രിക് ഹോസ്റ്റലിലും അഗളി ജി.എൽ.പി.എസ്സിലുമായി 33 കുടുംബങ്ങളിലെ 72 പേരാണ് കഴിയുന്നത്.