പാലക്കാട്: ഭാരതീയ ചികിത്സാ വകുപ്പ്, നാഷണൽ ആയുഷ് മിഷൻ, ആയുർവേദ മെഡിക്കൽ അസോസിയേഷൻ ഓഫ് ഇന്ത്യ എന്നിവയുടെ ആഭിമുഖ്യത്തിൽ ദേശീയ ആയുർവേദ ദിനാചരണത്തിന്റെ ഭാഗമായി പാലക്കാട് ജില്ലയിലെ ഹൈസ്‌കൂൾ വിദ്യാർത്ഥികൾക്കായി നവംബർ രണ്ടിന് ക്വിസ്, പോസ്റ്റർ ഡിസൈനിംഗ് മത്സരങ്ങൾ സംഘടിപ്പിക്കുന്നു. 'പോഷണത്തിന് ആയുർവേദം' എന്നതാണ് പോസ്റ്റർ ഡിസൈനിംഗ് മത്സരവിഷയം. ക്വിസ് മത്സരത്തിന് ഒരു വിദ്യാലയത്തിൽ നിന്നും രണ്ടു പേരടങ്ങുന്ന രണ്ടു ടീമുകൾക്ക് പങ്കെടുക്കാം. വിജയികൾക്ക് അന്നേദിവസം തന്നെ സമ്മാനം വിതരണം ചെയ്യുമെന്ന് ജില്ലാ മെഡിക്കൽ ഓഫീസർ അറിയിച്ചു.