ചെങ്ങന്നൂർ : കരുണ പെയിൻ ആൻഡ് പാലിയേറ്റീവ് കെയർ സൊസൈറ്റിയുടെ ആഭിമുഖ്യത്തിൽ വെണ്മണി ഈസ്റ്റ് ചാങ്ങമല പുത്തൻവിളവടക്കേതിൽ ശിവരാജൻ, ഗിരിജ ദമ്പതികൾക്ക് വേണ്ടി നിർമ്മിച്ച വീടിന്റെ സമർപ്പണം നാളെ വൈകിട്ട് 5ന് നടക്കും. മന്ത്രി വി.എൻ വാസവൻ ഉദ്ഘാടനവും താക്കോൽദാനവും നിർവഹിക്കും. മന്ത്രി സജി ചെറിയാൻ അദ്ധ്യക്ഷത വഹിക്കും. കരുണ പെയിൻ ആൻഡ് പാലിയേറ്റീവ് കെയർ സൊസൈറ്റി ഭാരവാഹി എം.എച്ച് റഷീദ്, സെക്രട്ടറി എൻ.ആർ സോമൻ പിള്ള, ബ്ലോക്ക് പഞ്ചായത്ത് പ്രസിഡന്റ് ജെബിൻ പി. വർഗീസ്, ഗ്രാമപഞ്ചായത്ത് പ്രസിഡന്റ് ടി.സി സുനിമോൾ, ജില്ലാ പഞ്ചായത്തംഗം മഞ്ജുളാ ദേവി, പഞ്ചായത്ത് വൈസ് പ്രസിഡന്റ് പി.ആർ രമേശ് കുമാർ, വികസനകാര്യ സ്റ്റാൻഡിംഗ് കമ്മിറ്റി ചെയർപേഴ്സൺ സൗമ്യ റെനി, കോശി സമുവേൽ, പി.എം കോശി, സി.കെ ഉദയകുമാർ, പ്രൊഫ. ആർ. രാജഗോപാൽ, ജെയിംസ് ശാമുവൽ, എ.കെ ശ്രീനിവാസൻ, നെൽസൺ ജോയി, വി. സന്തോഷ്, സണ്ണി കുറ്റിക്കാട്ട്, സി.ആർ ഷീജു എന്നിവർ സംസാരിക്കും.