പത്തനംതിട്ട: വയലാർ അവാർഡ് നേടിയ സാഹിത്യകാരൻ ബെന്യാമിനെ സംസ്‌കാരിക വകുപ്പ് മന്ത്രി സജി ചെറിയാൻ കുളനട ഞെട്ടൂരിലെ വസതിയിൽ എത്തി ആദരിച്ചു. മാന്തളിരിലെ 20 കമ്യൂണിസ്റ്റ് വർഷങ്ങൾ എന്ന നോവലിനാണ് 45ാംമത് വയലാർ അവാർഡ് ലഭിച്ചത്. ഇത് അടക്കം ബെന്യാമിൻ രചിച്ച പുസ്തകങ്ങൾ മന്ത്രിക്ക് അദ്ദേഹം കൈമാറി. എഴുത്തിന്റെ വഴികളേക്കുറിച്ചും നോവലിന്റെ ചരിത്രപരമായ ബന്ധത്തെക്കുറിച്ചുമെല്ലാം ബെന്യാമിൻ മന്ത്രിയുമായി സംസാരിച്ചു. ജില്ലാ പഞ്ചായത്ത് ആരോഗ്യകാര്യ സ്റ്റാന്റിംഗ് കമ്മിറ്റി ചെയർമാൻ ആർ.അജയകുമാർ, ജീവരാജ്, സായിറാം പുഷ്പൻ, അനൂപ് അനിരുദ്ധൻ, ആനന്ദൻ, അയിനി സന്തോഷ്, രാജേഷ്, ബിജി ദേവ് തുടങ്ങിയവർ പങ്കെടുത്തു.